السلام عليكم ورحمة الله وبركاته
مرحباا اخواني منتدى الأمارات للأوراق الماليه
ها اول موضوع اكتبه ف هالمنتدى وحبيت آخذ شوركم , لاني ناويه آخذ سياره ع بدايه سنة 2010 ومحتااااره امبين هالسيارات:
1. G55
2. رنج
3. X6
4.كايين اس
او اي سياره ثانيه بس لازم اتكون شرا فخامه هالسياراات وعادي لو كانت يديده او مستعمله شوي…..
قلت مالي غير اخواني ف هالمنتدى لان ماشاء الله عندكم خبره ف هالمجال…… وانا متأكده انكم مابتقصرون ويايه……
السموحه منكم
على رد الاخوان والأخوات اللي فالمنتدى .. بصراحة ماقصّروا ..
ماعندي كلام اقوله … وانا اتّبعت الردوود كلها ..
والأغلبية اجمعوا على X6
ولكن يعتمد على ميزانيتج وذوووقج
فالأخير انتي اللي بتاخذين المووتر وانتي اللي بتسووقينه وانتي اللي بتدفعين البيزات
بس مثل ماقالوا الاخوان انه البورش كايين بيتغيّر شكله …
والرنج مكوّد فالشوارع … بس بعد الرنج حلوووو من حيث الشكل …. وله هيبه .. حتى ولو انها الشوارع ماتخلى من الرنجات …. بس بعد الرنج حلووووووووووو
و G 55 بصراحه مووتر ولا اروع .. ولكن بصراحه غاااااالي جداً وقيمته بحدود النص مليون …
وعن اللكزس استيشن … مووووتر حلووو وشكله حلووو .. بس يمكن يكون كبير عليج ..
بصراحه كل المواتر حلوة … ولكن انتي شوفي فرق الاسعار اول شي
عندج خيارات في نوع السيارة اللي تبينها
الرنج شي كم نوع … سوبر جارج … وبدون سووبر .كت Hst / او بدون كت …
يعني السعر مابين 330 ألف 380 الف تقريباً
….
الاكس سكس 8 سلندر و 6 سلندر …
بس اكيد الثمانية سلندر افخم من السته سلندر … ولكن اغلى فالسعر …
وبصراحه ال X6 موووتر حلووو
واخيرا يعتمد على اللون …
يعني لو تبين لكزس استيشن خذي اللون الاسود لانه خباااال بصراحه وبعدين اللون الابيض ..
لو تبين جي 55 خذي اللون الاسود او اللون الابيض
لو تبين اكس سكس خذي اللون الاسود او اللون الابيض
ههه على كيفي صح
بالنهايه خذيلج فتك وريحي بالج ههههه
اتمصخر
المهم على راحتج
ومثل ماقال واحد من الاخوان … لو كان واحد كاتب الموضووع محد بيعبره ههههه
ولكن انتي بنية فالكل يبا يكتب ويبدي رايه …..
المهم السموحه عالاطاله
راعي فعايل كلامه 100% الجي بيكسر ظهرج وبتكرهينه … بس والحين منتشر اصلا ماشي موتر هب منتشر الحين والواحد مايتميز الا بتعديله بالكت وانتي بنت ماظني تبين تلفتين الانظار نفس الشباب وعلى فكره اللي يذم الرنج لا مجربنه ولا يعرفله بس يسمع به ومثل ماقلت قبل بقول الحين ماشي موتر مافيه مشاكل ولو انك مابتحشمه لازم بيخترب والبي ام والرنج كلهن 5 سنوات ! انا ما نصحج بالرنج حاليا لانه بيتغير والبورش بيتغير والجي مثل ماقلت هب مريح بس لو في خاطرج خذيه وماعليج من حد والابي ام اكس 6 هو الافضل مابيتغير وال5 سنوات في صالحج وخذي 8 سلندر ال6هب شي لان شكله السعر مايهمج لانج حاطه موتر بنص مليون
السلام عليكم
على حسب خبرتيه الجي ٥٥ : مش مريح وايد استعمال رسمي وخاصه للشباب احسبه مناسب .. وماينفع كاستعمال دائم..
الرنج تغير الشكل اليديد . واذا تفكرين في الرنج خذي الفوج ولا تاخذين السبورت لانه مايرزى ومن اساسه مافيه شي يستاهل الواحد ياخذه لا مواصفات زايده ولا شي لكنه مناسب كسياره عاديه والحينه اشوفها حق هنود صارت ،،،
والاكس ٦ : سياره حلوه وخاصه الــ ٨ سلندر احسن عن الـ٦ وحلوه وبنوتيه في نفس الوقت والسيرفس مالها حلو وزين وعمليه اشوفها ،، بس لو فيج على الزوايد والكتات هذا شي ثاني ،،
البورش سياره انا استانس عليها بصراحه واتريا الشكل اليديد،، فنانه وعمليه في كل شي … وحلوه بعد حق بنات مناسبه ..
شوفي الانسب لج اختيه وان شاءالله اني اكون فدتج
السلام عليكم ورحمة الله وبركاته
والله اشوف الكل طايح في الكس سكس!!!!
ويقولون مال بنات انسب اونه,,,,انزين قولوا ينفع للجنسين اقل شي,,,
شكلي ببيعه خلاااااااااااااااااص
موفقييييييين
كلامك على راسي… بس هالايام ما تم فيها شبابي و بناتي كلها مواتر
و ترا البنيه حاطه الــ g55 كـ أوبشن … يعني في بالها و عايبنها …
على كل ربي يوفق الجميع
__________________