السلام عليكم 
صبحكم الله بالخير وجمعة مباركه ان شاء الله
الهدف من الموضوع هذا نبا كل عضو عضوة يخبرنا متى قرر يدخل المنتدى
خلوني اوضح اكثر
يعني مثلا انا كنت من “زوار” المنتدى من سنة 2005 تقريبا وكنت ادش واشوف قسم الاسهم الاماراتيه مع ان ماعندي ولا سهم واحد في السوق بس كنت احب اقرا واتابع المواضيع
وبعدها بفتره كنت ادور سياره في بالي ومب محصلناها ودخلت القوقل وسويت سيرج وتفاجأت انها معروضه في منتدى الامارات!
ومن يومها كنت من اشد المتابعين لمنتدى بيع وشراء السيارات والدراجات
ووقتها حاولت اسجل بس للاسف ما قدرت لانه كان يطلب مني ايميل من الاتصالات الي هو @emirates وما كان عندي وتميت اتعامل مع الاعضاء بس كـ” زائر”
ويوم من الايام كنت ابا اشتري شغله ودخلت منتدى البيع والشراء ادور وفعلا لقيت عرض وايد حلو فقررت اني اسجل بأي طريقه لان صاحب الموضوع مب حاط اي طريقه للتواصل ومالي الا الخاص وتميت احاول لغاية ماسجلت في شهر ثمانيه 2006
ومن يومها تقريبا كل يوم متواجد ماقدر اقطع احس ان هذا بيتي الثاني
يالله الحين افتح لكم المجال واتمنى منكم التفاعل
أنا بصراحه سجلت في مارس 2008
يعني من فترة قصيرة بس كنت من اشد المتابعين للمنتدى لكن خلف الكواليس
والسبب يرجع كنت ادور وظيفة لكن للاسف محصلت للحين بس الاحلى اني مطيحه فهالقسم سيده من ادش على طووول المنتدى العام في مواضيع وااايد حلوة ومفيده بعد ^_^
الصراحه ما كنت اعرف شي عن المنتدى وزميل في العمل هو الي سجل لي في المنتدى ^_^ ومن يومها وانا ادش
موضوووع جميل و لطيف و دمه خفيف
انا بدايتي كانت في 2005
بديت في قسم الاسهم الاماراتيه
و من بعد الهبووووووط الفظيع
اكتشفت المنتدى العام و صرت ما اطلع منه
بس اخر 6 شهور رجعت لقسم الاسهم بعد ما انتعش السوق
انا تقريبا اشتركت اول ما فتحوا هالمنتدى في 2004
كنا وقتها يمكن ننعد على الاصابع بومجرن و بنت الامارات و درهم بن دينار
والمشاركات كانت قليلة
والوعي الاستثماري بين المواطنين كان شبه معدوم و كانت اسالتهم بسيطة…..
الا اللي كانوا وقتها يشتغلون في اسواق اسهم ثانية الامريكية و غيرها و عندهم شوية خلفية عن الموضوع…….
اما كيف وصلت لهالمنتدى؟؟؟
كنت وايد اقرا وقتها في النت و ادور في google عن الاسهم و اقرا و اتثقف بروحي لان في تلك الفترة سوقنا توه بدا الاهتمام فيه من قبل المستثمرين……….
كنت اشوف وايد منتديات سعودية للاسهم وكنت اتمنى في تلك الفترة يكون عندنا منتدى اماراتي واحد على الاقل
و بالصدفة شفت هالمنتدى و على طول سجلت
ياخي انا امس قررت
ونفس ما خبرتك سنة وانا اشوفكم تقريبا
خخخخخخ
وانا بعد اشتريت مرة من المنتدى
وكنت دوم ادخل الاسهم .. وعلما لا املك شي .. بس اضحك عليهم مساكين
كل يوم كاتبين .. ربط الاحزمة
الهبوط
الطيران
الانفجار
الاقلاع
مساكين والله
تحس انهم صارو مهندسين طيارات والسبه الاسهم
بس ما ينخاف عليهم مشاء الله راعييين $$
لا تغرك النكات خخخخ