موضوع ملطوش من منتدى اخر
السلام عليكم يا شباب (اول موضوع لي في المنتدى انشالله يعجبكم)
بالأمس كنت في منطقة الجميرا ، و تفاجات بالبرادو الجديد 2010 مع انه كان هناك محاوله لتغطيته بس على مين أخذت الصور التالية ( عذرا على الجوده المنخفضه لكاميرا الجوال) قابلت السائق الذي ذكر انه يعمل لحساب شركة اعلام وانهم حاليا يأخذون لقطات للسيارة في الصحراء ، وذكر أيضا أنهم سيحصلون قريبا الإصدار الجديد من هذه السيارة اللكزس GX470 ، وسألته أن نرى السيارة من الداخل وبصراحة كوني صاحب برادو 2007 وجدت فارقا كبيرا ولا سيما على مستوى جوده المواد والتجهيزات 4 كاميرات ونظام ملاحة (3d) لوحة القيادة جميلة جدا على غرار معايير لكزس لكن للاسف رفض ان اخذ صور داخليه
صور ملطوشه من موقع اخر
أخوي سعيد ..
تحت إسمك مكتوب مشرف .. والمشرف لازم تكون ردوده متزنة أكثر وعقلانية .. وهدي أعصابك .. ترا الشباب ما قالوا شيء .. قالوا أن السيارة سيارة هنود لأنه أغلب اللي يشتريها هم الهنود وما فيها مسبة لهم
ويوم تقول أن الهنود أحسن عنا .. لا تعمم لو سمحت .. إذا هم أحسن عنك .. هذا يخصك ولا تعمم على كل المواطنين .. كل واحد يعرف يضبط أموره باللي يقدر عليه وهذا مش معناته أني إذا خذت سيارة زوينة وأنا قادر أني خبل وصريف
هدي أعصابك يا بوعسكور .. الدنيا ما تسوى
__________________
البرادو من افضل السيارات العمليه والاقتصاديه في فئتها
والشباب اللي يقولون انها سيارات هنود ،، انا بزيد عليكم انها سيارة السودانييين
بس تفكير الهنود والسودانييين افضل من تفكير الكثير منا
اللي يبا سياره حق الكشخه وجيبه مليان ياخذ اللي في خاطره ان شاء الله روز . وعليه بالعافيه
خخخخخخخخخخخ
بس اللي يبي سياره تنفعه سواء في قيمة الشراء او قيمة قطع الغيار او قيمة البيع ((شيك متحرك معاك)) ياخذ مثل البرادو
واللي يباها تنفعه وتنفع بيته وعياله ياخذها
واللي يباها حق الكشتات وقوة سواء في البر او السيوح او الجبال ياخذها
واللي يباها حق بحر او حداق بعد ياخذها
وحليله قالها من باب الدعابه وتورط
صدق ها السيايير اكثر شيء يركبونها ها الجنسيه
بس هي فعلاً قويه وماشاء الله كديده
بس اعرفو يصممون ما يبون يخلون في خواطر الهنود شيء
يعطيك الف عافية