السلام عليكم ورحمة الله وبركاته ………………
كيف حالكم يا اخوان ….. .
انا عندي سؤال وهو شو رايكم بالمشاريع التجارية اللي تكون في
الامارات الشمالية نظرا ً إلى أن فتح المشاريع في الامارات الشمالية
اقل من فتحه في ابوظبي أو دبي ,,,,,, فاريد اعرف الجدوى الربحية
من هالفكرة ,,,,,,,, وخاصة لو كنت اريد افتح مشروعي التجاري في
عجمان ويكون مثلا مصبغة ملابس في منطقة من مناطق عجمان
مثل الحميدية , النعيمية , الجرف فشو افضل هالمناطق لفتح مشروع
مصبغة ملابس , وشي ثاني ابغي اعرف بخصوص المشاريع
التجارية في عجمان شو هي افضل المشاريع اللي ممكن افتحها
فعجمان ؟؟؟؟ …………………… ياريت تقدرو تفيدوني عن طريق الخاص …… واللي
حاب يكون وياي شريك فمشروع في الامارات الشمالية بعد الخاص مفتوح له 
…………….
الله يعينك …. دام انت شاك بنجاح المشروع شحقه ما تبطل في بوظبي او دبي…!!!!!!
مشكورين وجزاكم الله ألف الخير للاخوان اللي ردوا
Royal Fuj
كلامك وايد افادني وعسى الله يكتبلك الاجر فيه , بخصوص نوعية المشروع فأنا حاليا مبتدئ واريد مشروع صغير يدخل علي على الاقل شهريا 7000 درهم شهريا ً , وهالمشروع تحديدا ً وابتداءا ً أريده يكون مصبغة لأني اشوف ان هالمشروع ما يحتاج الا لمحل ومعدات بسيطة جدا وعامل واحد ,, وهالمشروع اظنه مطلوب …..ولكن لو في افكار اخرى لمشاريع بنفس قيمة قلة التكاليف فأتمنى منكم الافادة فيها …….
أما بخصوص الشراكة فهي شراكة رأس المال …
ماسة الخليج ……
جزاك الله خير اخوي عالافادة ,,, وفعلا نوعية المشروع لازم تكون مناسبة للمكان اللي بتفتح فيه …… بس اللي ابا اعرفه انا مثلا ً هو كم متوسط المدخول الشهري اللي ممكن احصله لو فتحت مصبغة أو اي مشروع آخر ………. فمثلا انت كصاحب شركة كم متوسط المدخول الشهري تقريبا لك وفي اي امارة فاتح ……
واسمحولنا عالقصور اخواني
ياخوي نجاح امشروع او فشله منطبق على عدة اساسات
منها تحديد نوع المشروعوها هو مناسب في عجمانولا لاء؟ يعني الواد حد فيناما يفتح شركة ليمزوين لتاجير السيارات بعجمان ، بس ممن يفتح مطعم مطبخ غبر÷ والموقع مهم ، وحسن الإدارة مهمة ، والمتابعة ، وتوفير ايدي عاملة ممتازة وطبعا في البداية والنهاية التوفيق من الله
والله فكرهـ اكثر من جمييلة يا اخوية محاامي دبلووماسي ..
بس بقولك شي من الواقع اللي اشوفه وبما اني من الامارات الشمالية “الفجيرة” بالتحديد .. تقريباا اي مشروع تفتحه في مثل هالاماكن يكون ماشي بأذن الله والسبب قلة المشاريع بشكل عام .. بس النقطة المهمة هي انته تريد مشروع يمشي حاله ولا تريد مشروع ناجح ..؟
طبعا اذا ترييد مشروع ناجح لازمـ تطلع بأفكار يديدة ولو بشي بسيط يديد وقتها الزباين بتزييد عندك وبتبدييك على غيرك .. والحلو انه في الاامارات الشمالية حاليا انه كل شي رخيص وتقدر تبدا تجارتك بكل سهولة .. بس اللي عليك توفر فكرة يديدة مميزة اذا كنت تبا تتميز ..
وبالنسبة لشرييك .. شو نووع المشروع اللي تبا تشارك فيه ..؟ ولاا مب حاط في بالك شي معين ..؟ وشو نوع الشراكة اللي بتدخل فيها ..؟ ” رأس مال, ادارة, غيره” ؟؟
ربي يوفقك ويحفظك يا اخويه ويعطيك كل خير ان شا الله ..