ما المطلوب لفتح مطعم

6 thoughts on “ما المطلوب لفتح مطعم”

1. السلام عليكم

   ما أريد أسويلك احباطات من أولها.. بس حبيت أقدم لك نصيحة من واقع تجربة
   المطعم أول شي يباله خبرة وإن شاءالله نعتبر هذا الشي موجود
   الشي الأهم هو إنك تكون موجود على طول في المطعم (على الأقل سنة كاملة دوام كامل)
   لا تقول لي بحط انسان ثقة ( ما ينفع)
   شغل المطاعم صعب جدا …. يا أنك تربح فيه وايد أو يخسرك اللي وراك واللي قدامك

   وأخيرا نتمنى لك التوفيق

2. لاهنت يا ابو ناصر ..

   شرح كافي ووافي وبيض الله وجهك ..

   ومن جد رايتك بيضاء وبتصل عليك باذن الواحد الاحد اليوم العصر ..

   لك اجل الاجترام والتقدير..

3. تبدأ باختيار المحل وموافقة المالك.. وتاخذ موافقة اولية من البلدية
   اصدار الرخصة من الدائرة الاقتصادية وتسجيل الاسم التجاري بعد استئجار المحل
   عمل ختم
   عمل مخططات للمحل عند استشاري معتمد
   فتح ملف عند الهجرة والجوازات
   فتح ملف واعتماد توقيع عند العمل والعمال
   طلب موافقة الصحة والسلامة وومكتب الهندسة على المخططات ehs & ced
   بعد الموافقة على المخططات.. تبدأ بتأسيس المطبخ والديكور
   ونصيحة ابدأ في دبي بسبب توفر محلات تجارية تصلح لمطعم
   بالنسبة لعدد الفيز .. بيعطوك كل ما تحتاجه وما رح يقصروا معاك
   وحاضرين للطيبين.. 0504666739 بو ناصر

4. لا خلا ولاعدم يالغلا ..

   يعني اللي فهمت من كلامك مو اي محل تواف عليه البلدية .. صحيح ..

   واذا وافقت يتم استخراج الرخصة وبناء على المساحه يتم منحك فيز .. صحيح ..

   ولاهنت يالغلا وبيض الله وجهك وانتظر اذا تهيء لك احد لاخلا ولا عدم

   وان شاء الله نعطيك عضوية مجانتية لمدة شهر .. هههههههههههههه

5. اول شي المكان
   وعقب موافقت البلدية الورخصة
   عقبها بتسويي الفيز وعلى حسب المساحة يعطونك

   وانشاالله اتشوفلك مندوب يخلصلك

Comments are closed.