يا جماعة الخيــــــــر خاطري أعرف الهنود و الباكستانيه شو يستفيدون من الكراتين اللي يشلونها من الزباله و انتوا بكرامه ؟؟ و تلاقيهم يحاوطون عند البنايات و محملين الكراتين على السيكل
واحد قالي يجمعوهم وتنباع للشركات .. بس كيف يوزنوها ؟ وكم يستفيدون ؟؟ بصراحه هالفكره من زمان ابا اعرفها …….. بس انا وياي الدوام اليوم طلع لي واحد بسيكله واشوفه ياخذ يمين ويسار ماشاء الله الحموله زايده و اللي عنده فكره يخبرنا , لاني ميمع كراتين شيبس عمان و ماي العين وماطعت افرهم بالزباله و افيد هالهنود .. و اذا المدخول جيد بسوي مشروع مبسط و لكم رفجه لأيمع كراتين بالأطنان وبكلف هنود وبشتريها عنهم بسعر ارخص ههههه ولا بعطي اليهال 5 دراهم للي ييمع أكثر لووووووووول
هذا هو التشجيع ولا بلاش .. وهذي هي النظره التجارية الصحيحه , بارك الله فيك اخوي و اتمنى لك التوفيق وان الله يرزقك بالرزق الحلال ……………………….
كلام سليم بس اذا حطينا ميزانيه جيده شوي بتترتب الامور , بدل السيكل بنحط 5 سياكل والهنود حدث ولا حرج ماشاء الله تارسين البلاد , ولو عطيتهم فرق درهم فقط عن سعر الشركات بتكون انت ربحان و كل العمال ببيعون لك وبهالطريقه بتكسب عملاء يتعاملون معاك ………………..
ويخبرني أنه طن الكراتين بــ 400 درهم
كلامي صح تقريبا حوالي 100 دولار ———————— لو كل يوم طن راعي الداينا
اكثر المعاااااااااااااااااااش اللي استلمه خخخخخخخخخخخخخخ
اخوي طلطميس حلوو منك انك تسأل عن شي تشوفه كل يوم وما تعرف شو سبب حدوثه لكنك الحين عرفت سبب تحميل البتان والهنود للكراتين .
والاحلى من هذا كله اخوي ولايهون السامعين بأن دولة الامارات محتاجه لعشرات مصانع الكرتون والورق يا ليت حد يسوي دراسه على مصنع مماثل ويسويه مع ان تكلفته مب عاليه وايد لكن دخله مرتفع جدا لانكم عارفين مدى استهلاك الكرتونوالورق فالدوله ولو كانت البدايه باعادة تصنيع الكرتون بنفس طريقة جمع الورق والكرتون الفايده بتكون اكبر .
بالتوفيق اخوي طلطميس وانشالله نسمع فيوم انك فتحت مصنع كرتون
راس المال سيكل وهندي يحاوط في الشوارع راتب الهندي معروف لاكن كله للبق بوس مدير الشركه