ماهي التخصصات المطلوبة في الوقت الحالي !!؟

57 thoughts on “ماهي التخصصات المطلوبة في الوقت الحالي !!؟”

1. Just Marketing >> ^_^

   انا اجوف التسويق هو المحرك الاساسي لكل الاعمال ..

   ربي يوفجني فدراستي واعدي هالكورس على خير وأأسس الشركة اللي فبالي ..

   والله يوفج الجميع وتحققون اللي فبالكم ياربي وتطلعون من اصحاب الشان والقرار باذن الله ..

2. ربي يوفجكم ويكون حظكم احسن عن حظنا @@

   كل التخصصات مطلووبه

   بس احسم شي تختار التخصص اللي تحبه عشان تبدع فيه

   سلامي

3. براييي

   القانون

   النووي بكل انواعه

   علوم فضائية وفلك لان حسب ما قريت بيفتحون محطة فضائية بابوظبي وبيسوون معاهد لتدريس الطلبة علوم الفلك والفضاء

   البزنس بانواعه

   والمحاسبة

   والموارد البشرية

   ودعوااااااااتكم اخلص دراستي الدبلوم واكمل الباكليريوس والماستر والدكتوراه

   واستوي من اصحاب الشان والقرار ^______^

   وزير مثلا ^_________^ او مستشااااار

   والله يوفق الجميع اميييييييين

4. انا انصح الواحد يختار المجال الي يحبه بس قبل لا يتخذ قراره يشوف على ارض العمل التخصص الي يباه هل الخريجين مرتاحيين من ناحية الراتب او بيئة العمل والامتيازات؟ انا عن نفسي اخترت تخصص القانون واحين ان شاء الله على مشارف التخرج وقبل لا ادخل اخوي الي نصحني اني ادخل ها التخصص لان تخصص القانون اذا عسكري ممكن اكون ظابط يعني ملازم في المجال العسكري او اذا مدني ممكن محامي او وكيل نيابة او اي وظيفة مناسبة في مجالي والرواتب حمدالله على ارض العمل ممتازة في ها المجال.مثلا عندي واحد من الشباب تخرج ثانوية علمي كمل في جامعة الامارات تخصص كيمياء وتخرج وعقب توهق ماشي وظايف ؟؟؟انجبر يشتغل على شهادة الثانوية عقب داوم في الصحة اداري يعني لازم تاخذ فكرة وتشوف وتسال عشان ماتندم .وانا انصح الشباب انهم يدخلون القانون او عندك في دبي امن القطارات تخصص يديد او اي مجال ممكن هو يبدع فيه والدولة محتاجة لها التخصص واتمنى اني اكون فدتكم بشي .

5. بسم الله الرحمن الرحيم

   ماشاء الله بعده الموضوع حي يذكر

   عموما جميل أن يكون لدينا شي قديم نؤثره وننقشه لنتعلم من آراء بعضنا البعض

   بعد حوالي سنتين من فتحت هذا الموضوع

   أقول انه لابد انك تتخصص شي وتستطيع ان تبدع فيه وطبعا تحتاج بعض الظروف علشان تساعدك

   بمعنى اخر .. اليوم خبرة العمل وايد مهمه وخصوصات للتخصصات المهنيه

   المحاسبه وحده من التخصصات المهمه في يومنا هذا بحيث اللي يتخصص لابد انه يعرف مدى جدية العمل وضغوطه وله مستقبل اذا اشتغل نفسه بشكل ممتاز في البدايه كونه راح راح يواجه صعوبات في التعلم واخذ المعلومه من اخوانا الوافدين اللي كل واحد يحب يتمسك بوظيفة وطبعا الفرصه موجوده ومفتوحه للجادين

   مثل ما انشوف انه عمل المحاسب عمل مكتبي وطبيعتنا بشكل عام نبتعد عن المهنة الملازمه للمكتب لذلك الوافدين بما فيهم الهنود لهم حضور قوي في المجال المحاسبي في الدولة للمجالين الحكومي والخاص

   نعم أنا تخصصت محاسبه وعندي صبر ونفس طويل على العمل المكتبي والدقه في العمل والفرص لا توصف لهذا المجال يعني هناك وظايف كثيره ومتنوعه للمحاسبين في اقسام الماليه المختلفه

   أنا تكلمت عن وظيفة المحاسب كوني عشت مراحلها كدراسه وعمل وانا حاضر الى اي شخص يحب يعرف طبيعة عمل المحاسب او القسم المالي بشكل عام

   لكن في نفس الوقت ينطبق على غيرها من الوظايف بحيث يحتاج للمتخصص ان يشتغل على عمره ويحاول كسب اكثر خبره ممكنه من خلال طلب العمل او البحث بشكل علمي والصبر

   تحياتي لكم واتمنى لكم التوفيج في حياتكم العمليه والعلميه بما فيها التخصص

Comments are closed.