ليش ما فيه مواطنين كفوئين ليصبحو مدراء ومسؤولين فى البنوك وشركات الأسهم ؟

19 thoughts on “ليش ما فيه مواطنين كفوئين ليصبحو مدراء ومسؤولين فى البنوك وشركات الأسهم ؟”

1. وانته شدراك بهم قوم الهاجري

2. اخوي اكوما

   احيييك على روح الوطنيه لي فيك بصراحه

   لا ابشرك انا نحنا قدها وقدود حمدلله

   ولي مب كفو لا يتعب عمره ويدرس

   نحنا نصنع الانجازات مب الانجازات تصنعنا ولي تشوفه تارس عينك ابشرك تراه مب ياي عندنا لمحبته فينا ياي يسترزق من رزقنا لي راغدينه في كل مكان وبيروح

   ولي مثلك وشرواك مفروض ما يقول هاي الرمسه لانك تهز الثقه في الكفاءات المواطنه

   ولعلمك اخوي الكريم الهاجري لي تتكلم عنه اقولك اياها وانا مسؤول عن كلماتي انه من انجح الاشخاص ويكفي انك تتكلم عن عائله ناجحه بكل المقاييس

   تتكلم عن سعيد + راشد + غانم + محمد الهاجري هذيلا الاربعه مشاءالله عليهم اخوان وكل واحد يبدع اكثر عن الثاني

   ويكفي انه مدير بنك ابوظبي التجاري هوه الشخص الوحيد اللي اختير من الشرق الاوسط المؤهل انه يكون ظمن لجنة اعتماد وحده من الشهادات الماليه العالميه

   اخوي الكريم المؤهلين وايدين لكن لي يفكر تفكيرك بعد اسمحلي اقولك وايدين وهم لي مخربين على عيال لبلاد انهم يطورون عمارهم

   هذيلا الشقر والوافدين لي ترمس عنهم شوف بدايتهم شوه كانت ونهايتم لي وصلولها شوه

   ولي ترمس عنه متخرج سنة 2000 او 2004 مولود حديثا مب شيبه معبر الدهر والعمر قدامه يكتسب الخبره ويتأهل لهاي الوظايف

   انا ما اهاجمك من منطلق شخصي لا تفهمني غلط اخوي الكريم

   لكن تفكيرك كان مش في محله وبالعكس انا كذلك ما افرض رأي عليك لكن هذا ردي الشخصي ولكل منى وجهة نظره الشخصيه اتمنى تتقبل نقدي بسعة صدر اخوي Akuma

   تقبلو مروري

   عبدالله الدرمكي

3. وين تلاقي عندنا واحد
   اقتصادي وله خبره اكثر 20 سنه بالبنوك

   اغلب الي عندنا شباب وخريج جديد سنه 2002 او بعدها بشوي
   ويريد مكتب وسكرتيره وموقف خاص للسياره و و و و…..
   وخبره في الازمات 0%

   البنوك ما ينفع لها سوى الخبره واهم شئ الخبره ثم الخبره.

   و ابشرك الوافدين مب بس يشترون الشهادات الدراسية يشترون شهايد الخبرة بعد

   ياني واحد هندي قالي عطني الف و بجيبلك شهادة خبرة 5 سنوات ومصدقة ومختومة.

   عندنا عقدة الاشقر الي مب قادرين نتغلب عليها – في المجاملات ما في احسن من ربعنا
   اي وافد خبير وهو والله خرطي من تجربة اقولها

4. صدقني في شباب، بتكلم على سبيل المثال جهاز أبوظبي للإستثمار أعرف شباب مواطنين يديرون مليارات الدراهم وهم أنجح من الاجانب عندهم… لا تحكم على تصرف استثنائي… بالعكس لازم يعطون فرصة للمواطنين… اذا لا قدر الله صار ظرف عندنا طارئ تتوقع الاجانب بيكونون في البلاد… وقتها منوا بيدير البنك أو المؤسسة أو الشركة….الخ

5. السبب خوي بالمختصر المفيد ان اي مواطن يصل

   لمنصب قيادي ..

   يتثبت بالكرسي ولهذا يحاول تهميش او ابعاد

   المواطنين خوفاً ان ينافسوه على المنصب..

Comments are closed.