ليش انعاملهم بالهطريقه؟؟..

انزين انا مستغربه يوم انك ما تباه ولا تبى تاخذ من عنده ليييييييييش هالقصه يعني تستعرض عضلاتك ولا شوه لا اسلوب ولا غيره
وتم كل اشويه يدخل ويرمس الهندي
عاد انا هنيه
لبقت لبقه
غمضني الهندي وانا ما اقدر اشوف حد جيه يعني وحليله حاشمنه وساكت عنه والاخ يتفلفس
عاد ام خليفه خربتها اليو م
فتنت عليه هاااااااااايج الفتنه الي ما يبى غيرها
قلت تعال بخبرك انته بتاخذ منه ولا لا ؟؟؟؟تم يطالعني ايقول ف خاطره وشلها رزة ويها هااي؟؟؟
قلت له يوم ما تبى تاخذ رررررررروح وفكنا يالس ومستقوي على هذا الفقير عندي وعندي محل ف بلادي الفلانيه
يوم عندك محل وشلك توقف عنده واتصارخ واتفاتن؟؟؟؟ ما تبغي رووووح وفكنا
شجايل رمست ما ادري والله من الحرقه يعني عشانه هندي وفقير طاح به ويبغي يتفلفس عليه جدامنا
لكن ادبته الادب ايكون ايحرم يغلط على حد
وامبوني انا ما اداني هالجنسيه موووووووول واستوى هالموقف ما قدرت الصراحه حتى ختيه اتقولي والله اجديتي فيه
وادبتيه جليل المعاني
وحليله بابو الهندي استانس قالي ليش هذيلا نفرات جذيه انا مسلم بعد ليش ايقول عني اغش..
وحليله والله غمضني بس حطيت عليه حط
وانا راجعه الا اشوف لج واحد غير بعد من جنسيه خليجيه ايقول لواحد ايبيع غتر عدال محلنا ايييه انته ياالاصمخ ما تمسع بكم هالغتره ؟؟
عنبوه ماشي اسلوب اخير عن هالاسلوب التعبان
اشويه واختي تغمز لي يالله ظهري لسانج قلت لها والله بتعب ماشي فايده
الا وشويه اتيه هزبه قوووويه من راعي المحل المواطن قاله منو الاصمخ ؟؟؟
ما تشوفه يرمس غيرك
عاد انا سرت قلت بسني من الضرايب ….جاستني نفضه من طلعت من محل التمر لين وصلنا السياره ما يسوى عليه بس لاني ما احب اتصير هالمواقف جدامي يفاتن على هالفقير وحليله بروحه عامل ويسترزق؟؟