ليش انخلي البترول قرب النار

السلام عليكم ورحمة الله

والله ان الأمر جد خطير !!!!!!!!!!!!!

الدولة قامت ببناء مناطق سكنية خاصة بالمواطنين ليستقروا فيها ويشعروا بالاطمئنان

ويصر البعض على التنغيص عليهم وزعزعة امنهم واستقرارهم طمعا وراء الماده .

من ست سنين منحتنا الحكومة مشكوره بيت شعبي في احدى مناطق ابوظبي

المنطقه زينه والجيران من احسن ما يكون والأمور طيبه ما عدا البيتين اللي حذالي

ما حد سكن فيهن وكل فتره يأجرونهم على عمال عزوب هنود وبنغال وعقب مراكض

وتعب وطول انتظار نطردهم بمساعدة البلديه لين قام احدهم بتأجير بيته على حريم

نساء عزوبيات من الفلبين فوق العشرين حرمه وانا بصراحه ما عديتهن يمكن أقل اكثر

وكل ما أظهر من البيت اشوفهن جالسات على الرصيف طبعا من بعد المغرب

شبه مفصخات هاف قصير وفنيله كت وأوقات فوطه والله أعلم اذا كان تحتها شي

وفي ايام الاجازه الأسبوعية أشوف شباب من جنسهم يتمشون وياهم في الشارع

كل هذا وما قلنا لهم شيء وبصراحه تعبنا من المراكض والشكاوي للبلديه

والمصيبه ان راعي البيت اللي جنبه ولآصق فيه أجر البيت مره ثانيه على هنود عزوب

تا بعين لشركه والشباب ما صدفو دوم جالسين على الرصيف اللي مقابل رصيف الحريم

يعني مثل ما قلت في العنوان ليش انخلي البترول (الفلبينيات) قرب النار ( الهنود )

المشكله ان بيوتنا صارت مكشوفه ودوم اروغهم من عند بيتنا سايرين رادين والله

(انا يروح دكان) رغم ان الدكان خلف بيتهم واحنا مثل جميع الناس عندنا حريم

وعندنا خدامات وصدقوني يالربع اني أسهر لين قرب الفجر وما اظهر من البيت

الا اذا كان ولدي العود في البيت وزين اني متقاعد ( وقاعد ، لهم بالمرصاد )

بس شو الحل واذا كان حد عنده حل منطقي او يعرف حد يفيدنا في الموضوع

ياليت ما يتأخر والدال على الخير كفاعله .

في انتظار ردودكم وجزاكم الله كل خير