بسم الله الرحمن الرحيم
كيفكم يا جماعه ؟
لاحظت كثير من المرات انه الواحد يقول طالب سياره وراح تجي بعد كم من شهر !!!! يا قلبه من الانتظار !
اهي مشكله من الوكيل يعني ؟ كل ما يحصل دفعه تخلص ؟ زين ليش ما دام عارف ما يطلب دفعات كثيرة ويخلص الناس !
ولا العكس يخاف يجيب دفعات وما تتحرك من المخازن وصار يعتمد على الطلب ؟
لانه مع احترامي في بعض الاشخاص ويعض المحلات تستغل هذي النقطه وتبيع سياره ان كان على الزيرو ولا مستخدمه خفيف بسعر اعلى !
وجهة نظر لا غير
مع احترامي للجميع
وشكرا
الوكيل مب على كيفه يقدر يطلب الكميه الي يبغيها
المصنع ما يقدر يعطيه لانه لكل دوله وسوق ووكيل يخصصون له عدد معين من السيارات لو يطلب زياده ما يقدر لانه يقسمون الطاقه الانتاجيه للمصنع على كل وكلاء العالم
وهاي صارت مع البورش كايين اول مانزلت والرنج سبورت بعد والفراري 430 حتى كان الوكيل ياخذ من الوكلاء من الدول الثانيه الي ماعندهم طلب وايد لانه الكميه الي تتخصص لسوق الامارات تكون حسب حجم الدوله وعدد السكان لكن في الامارات من تنزل سياره حلوه الكل يبي ياخذها فيصير ضغط على الطلب
تبون الصدق علشان يمشون السوق السوداء للسيارات
لان معظم المميزات في السيايير اليديده اوبشنال (إختياري)
اللي يبا يناح و اللي يبا فتحه و اللي يبا رنجات مقاس 18 بس بدون دبل اجزوز و اللي يبا نافجيشن بدون تبريد كراسي … إلخ
فصار كل شي اختياري
و طبعا صعب عالوكاله هالموضوع انها تيمع لك 80 سياره بمواصفات مختلفه و ألوان ثانيه
هاي هي الزبده بنظري
(( حركاااات ))
نعم اخوي ..
الوكاله تلعب على المضمون .. تقول ليش اييب ستوك بكميه كبيره .. وعقب اتوهق بكم سياره و محد يشتريهم واطر اني اخسر فيهم ( مع انه لو شو صار ما بيخسر ) .. لكن في وكالات مثل وكالة البورش اصلن هي تعتمد على الطلب الزيون لان البورش تعتمد كليا على طلبات الزيون مب الوكاله اما الوكالات الأخرى غير ..
على العموم .. الله يعينا من ارتفاع الأسعار .. !!