السلام عليكم ورحمة الله وبركاته
شحالكم عساكم بخير
ابا خبرتكم وتجاربكم عن السوزوكي فيتارا 1.6 موديل 93 انجكتر
انا عندي وحده وضبط كل شي فيها وبعطيكم بعض لي سويته
1.ركبت عليها رنقات 15 فتح 8 وحطيت عليها 800
2. ركتب عليها فلتر
3. ووايرات ريس مع بلكات
======================
ابا نصيحتكم من ناحية الصبغ وتضبيطات الثانيه مع انها السياره مرقمه وابا اعدلها
وحد يقولي حط اليوني جب وحد يقولي هدرز كامل ويوم سالت عن الهدرز قالولي ب 4 كامل من المنفول من عند النمر الاسود
ان شاء الله برفق لكم الصور وابا رايكم ونصايحكم اخواني
مشكور على الرد اول شي
تعرف كم جيمتها؟ وهل تركب مكان المكينه ولا لازم نبدل في الكراسي المكينه وسكراسي والقير ؟؟
مشكور اخوي على الرد وانا بعدني ما ركبت الهدرز لين الحين
والله يا خويه المكينه لي عندي تمشي بس ما فهمت عليك كيف يفصل الكتمه؟؟
فك عمرك وركب مكينة لاندداش اقصد 6 سلندر فيتارا خذها من سوق الياباني في العوير وعزمها وايد حلو ومايحتاي هدرز حق هاذيج
ولكم الصور
الله يهديك يوني جب ليش؟؟؟ وحتى لو حطيت هاي الأشياء ما بيسون شي لأن المكينة 4 سلندر و1.6 سير عند أي كهربائي وخله يسويلك لوك شرا لوك الكشاف يفصل الكتمة ويردها.. و جيمة الهدرز تراه عن جيمة الموتر.. يبالك مكينة 2 j