السلام عليكم
حبيت انشدكم اخواني
سمعت انه ال600 مب مرغوب كثر ال500 و350 وسعره يطيح بعد البيع , مادري عن هالأقوال !
ماسرت السوق من فتره وماعرف الاسعار
ممكن تخبروني كم السعر التقريبي للاس600 موديل 2006 الشكل اليديد وتكون خليجيه فل مواصفات مستعملة , نظيفه
واذا حد بيتكرم ويقول سلبيات السيارة , اما ايجابياتها أعرفها
و السموحه
ليش ما تاخذ 500
قوي واعتقد انه ما فيه خرابات كثر ال 600
اخوي بانسبه للخرابات ..تكون اكثر شيء في قطع في المكينه مال الريس ومرات الكهربا ومرات في ال بريكات abs..يعني انته وحظك..وبعدين على فكره ال 600 عقب فتره من قوه مكينته..تبتدي المكينه تصرف oil وايد يعني كل 4 طلعات لازم اتزيده ابروحك.
وبالنسبه عن ال350 اليديد..وايدين طلعوا اشاعات عن الجير وما الجير ! انا عندي واحد وماشفت في مشكله الحمدالله..بس اللهم كان في دفعه تقريبن 11 سياره فيهن خراب في الجير ووزارة الاقتصاد سحبتهن على ما اعتقد مع الوكاله..بس الناس شوي يبالغون وقالولك ان كل ال 350 2006 فيهن خراب قير!كلام فاضي!
والسموحه
راعي المعاني
اليورو
مشكورين اخواني وبارك الله فيكم
اخوي راعي المعاني , بالنسبة للخرابات الغالي , يعني شو الاشياء لي تظهر ؟
انا سمعت انه الجير تعبان في الدفعة الاولى بالنسبة لل 350 كم واحد مبدل الجير , مادري عن ال600
والجامبينات تخترب بعد فتره
اتمنى المزيد من مشاركات الاخوان
لو الكورلا ممكن افيدك
ياخوي ترى ال 600 سياره فنانه ! انا مجرب ال 600 من ايام الشبح…يقولون الحين اتطور..لكن انا اقولك انه بعده فيه نفس العيوب.
ال 600 فيه ثبات وهدوء وقوه وفخااامه مافوقها فخامه ! لكن المشكله ان ما يصلح الا للبلدان البارده..يعني ما يصلح نستخدمه في دول الخليج لأنه مثل ما اتعرف بلادنا الجو فيها نااار ! وال 600 مكينته كبيره ويحر بسرعه..بالإضافه ان ماشاء الله اسعار البترول عندنا ارتفعت وفي ارتفاع وهذا معناته ان اللي ياخذ 600 بيفتقر لأنه وايد يصرف بترول..وفوق ها كله في خرابات حتى الوكالات ما يعرفولها !