السلام عليكم ورحمه الله وبركاته
شحالكم يا الربع عساكم ابخير ..
اعرض عليكم هذي الخدمه لعيون الأعضاء
قبل البارحه سويت تسجيل في موقع كارفاكس لمدة شهر وبعدد غير محدود للتقارير
لكل من يريد معرفه حاله سياره ما عليه الا ان يطرشلي اللنك اللي فيه السياره او رقم الشاصي
مثال : تدخلون موقع New Cars, Used Cars – Find Cars at AutoTrader.com
تسوون بحث عن نوع السياره اللي تبونها
عقب تحطون اللنك هني و انا اقولكم عن حالتها و كم مالك .. وكم اخر قراءه و كم تشييك و اذا فيها اي حادث او لا ..
فداعت الله يا الربع ..
مشكوووور اخوي وجزاك الله الف خير
لا تقول جي بالعكس جزاك الله خير على اللي تسويه .. شي ناس وايد انغشوا في سيايرهم !!
و بخصوص السيارة صحيح زد موديل 2004 و فديتك مصدقنك ما جذبتك بس انا مستغرب من الفحص لانه راعي محل الفحص
فحصت عنده 2 سيارتين و طلع لي كل عيوبها اللي اعرفها و ما اعرفها من شاسي و دعمات و حتى الفضاوى في الدفرشين اللي ما تنعرف الا يوم يكون الخراب كبير ..
ما قصرت و مشكور و عسى ربي يسعدك و انت فال الخير يعل الخير ما يفارقك .. لا تضيق بعمرك انا باجر بقول حق راعي السيارة الموضوع و بشوف رده ان شاء الله
السموحه منك و بالتوفيق و تقبل الله صيامك
ياخويه انت كرهتني بعمري … انا اخس لحظه عندي يوم اكون فال السو عند ريال ماعرفه ..
سامحني يا شيخي .. و بس أكد لي هل هاي المعلومات صح عن الموتر ؟
2004 NISSAN 350Z
VIN: JN1AZ34D44T164352
COUPE
3.5L V6 SFI DOHC 24V
REAR WHEEL DRIVE
يعني هل الموتر نيسان زد موديل 2004 ؟؟ عشان ابري ذمتي و لا يطلع موتر ثاني مع اني كتبت لك هالمعلومات من قبل و انت شفتها و ما رديت … بس حاب ابري ذمتي ..
وسامحني مره ثانيه لاني فال شر … عساك موفق في موتر احسن عنه
و اذا الريال هب مصدقك مثلا او تبا دليل .. اروم اصور لك الصفحه الللي فيها المعلومات و اطرش لك اياها كدليل اذا حبيت
السموحه منك يا بو حسن
يا رباه لطفك …
خلني بشوف الترتيب باجر لاني دفعت عربون للريال
المشكله اللي شارنها ما يعرف شي عنها .. و يستعملها من سنه يمكن ..
باجر بتلاقى معاه و بخبره على الموضوع
مشكوور و جزاك الله الجنه انت و ربعك و اللي تحبهم و بشكارتكم حرام تطبخ و تكنس محد يدعيلها لول
خشمك صديقي :d
يا رجل !!!! مستحيل تكون فاحصنها عند ريال ثقه و ما يعرف شو مشكلتها او شو صار فيها !!!!!
بعدين في شي غريب !!! كيف السياره في بوظبي و هب مكتوب انها انشحت للامارات !؟!؟!
اخوي حسب التفسير اللي مكتوب … ان السياره صار فيها حادث او ضربه .. و كانت تكلفه تصليحها تساوي 75% من قيمة السياره الاصليه .. عشان جيه يسمونها سالفج بالانجليزي يعني السياره رايحه في عين امها .. و حسب التقييم الامريكي هذا السياره لا تستطيع الحصول على road worth يعني شهاده تستحق انها تمشي بالشارع …
بالنسبه للضربه : كانت حادث سياره في تاريخ 12/13/2006.
12/13/2006 California
Police Report Accident reported
in Alameda County
Vehicle involved in crash
with a fixed object
اتمنى اكون افدتك …