السلام عليكم
بغيت مكتب سفر او حد معين
لاستخراج الفيزا الاوربية – الشنقن من احد السفارتين من( سوسيرا او فرنسا )
في دبي او الشارقة او بوظبي
يكون مضمون وسريع
لاتبخلون بالرد
12 thoughts on “للي يعرف مكتب لاستخراج الفيزا الاوربية – السنقن( سوسيرا او فرنسا )”
Comments are closed.
يا طويل العمر عادي ….
دام عندك الشنقن ( حط ريل على ريل واسرح وامرح في اي دولة اوربية مغطتنها الشنقن )…
بخصوص انك برع البلاد … كيف عن الجواز ؟ّ … الشنقن تنطبع عليه..
انا اساويها عن طريق مكتب سفريات ب 550 درهم للشخص … ولا اوراق ولا تصديق ولا خرابيط ..
بس جواز وصورتين خلفيتهن بيضه وما على راسك شي …..
الله يعينك شحقه زاحمت عمرك .. المفروض مطلعنها من قبل..
بالتوفيق …
المشكلة انا برع البلاد
وبرجع الجمعة
والجمع اللي بعدها سفرتي
وبخصوص اني لازم اطلع الفيزا في البلد اللي بنزل فيه
الصراحة حد يقول عادي والثاني يقول لا – شو السالفة
السلام عليكم ورحمة الله وبركاته
للاسف ثبت الرد قبل ما اضيف معلومة عن طلبات الفيزا في القنصلية الالمانية في دبي.
ما يحتاي تاخذ موعد للقنصلية يفتحون الساعة 9 الصبح لين 3 الظهر لاستقبال الطلبات, و كلما بكرت كان افضل لك
السلام عليكم ورحمة الله وبركاته
اخي الكريم اذا انت في بوظبي ليش تعتمد على المكاتب, الموضوع ما يباله, ييب صورتين خلفيتهم بيضا, و اطبع الفورمة من موقع السفارة و عبي البيانات بخط اليد, و صور الجواز و التذكرة و حجز الفنادق, و ييب كشف حساب البنك عن اخر 3 شهور و يكون مختوم من البنك و هذا تطلعه في سيرة وحدة للبنك, و شهادة الراتب اذا تشتغل, و صورة عن التامين الصحي, و اذا كان عندك بطاقة ثقة فصور البطاقة البيضاء. يمكن تشوفه وايد لكن هذا كله تخلصه في كم من ساعة.
انا انصحك تقدم في سفارة الدولة اللي بتزورها اولا, و اذا كانت المانيا فلازم تسوي موعد في موقعهم Germany Visa Application Center,
و السفارة في بوظبي تقبل طلبات المقيمين في بوظبي , اما المقيمين في الامارات الاخري فتنقبل طلباتهم في قنصلية المانيا بدبي عند جميرا بالم رزيدنس شارع الحديبة.
و هم ياخذون الطلبات من 9 الصبح لين 3 الظهر, يعني لو قدمت على الموعد في موقعهم اليوم احتمال تحصل موعد الاحد او الاثنين.
عادة اذا كانت اوراقك مكتملة, الفيزا ما تاخذ اكثر من ثلاثة ايام للمواطنين في الغالب, و رسومها 320 درهم للبالغين
الله يسهل عليك و تروح و ترجع بالسلامة
تحياتي
المشكلة اني خارج البلاد
وبرجع قبل السفر باسبوع
والمشكلة الكبرى اني حاجز بعض الفنادق
فبغيت اسرع مكان و اسرع شخص يطلعها
باي مبلغ – متوهق كثير