للأخوة المتزوجين يا مكثر مشاكلنا مع زوجاتنا … لي ما نناقش مشاكلنا بينا ونحاول نحلهن … ونشوف كل واحد و اسلوبة في حل مشاكلة الزوجية … مثل ما يقولون ثربي …
ماهي مشكلتي مع زوجتي ..؟
وما هو الحل المناسب لها .؟
هل انا غلطان باسلوبي هذا مع زوجتي ؟
اسأله كيرة ولكن تحتاج الى جراءة منا كي نناقشة بكل صراحة دون استحياء والغرض من هذا ايجاد الحلول المناسبة لكل مشكلة … شو نسوي ما عندنا .. مجلات … مثل . رجولتي .. شباب الخليج .. هو ..
………. صح عندنا .. رجل اليوم …. بس شو صار في رجال الامس وشباب الغد …؟
يالله شباب كل واحد يكون جرئ ويعرض مشكلته وانشاء الله نحلها له وتحلون مشاكلنا … نحط يد بيد .. ونقول ( سييييه ) … صدقوني يا شباب حل مشاكلنا الزوجية تراهاا ما بتنحل لا عند الاهل ولا الاصدقاء المقربين ولا الاقارب … خذ الرأي الاخر من هذا المكان … الله يستر علينا جميعاً لا تعرفني ولا اعرفك … مثل ما يقولون كل مشروك مبروك …..
مرحبا …. يا اخواتي انا ما امانع من ان الانثى تناقش هذا الموضوع …
ورد على الاخت ون برسن …. اذا الواحد سوا اكثر من اللي قلتيه …!
وبعدين أختي نحن مب يهال .. هذي آراء الاخرين ونحب نسمع منهم … ومش شرط اني اخذ كلام الاخوة الاعضاء وأطبقة … الواحد يشوف راي الاخرين وبس …
شكراً
السلام عليكم
اخوي انا بنصحك نصيحه لو تريد تاخذها مني خذها و لو ماتريد الشي هاذا راجع لك …
حياتك مع زوجتك لو كان فيها اي مشكله مهما كانت صغيره او كبيره ..
انته و هي الوحيييييييييييييدين الي تقدرون تحلونها
لاتدخلون اي مخلوووق في حياتكم …. ولا تتكلمون باي شي يصير بينكم عند اي انسان ولا تسمع راي الناس في حياتك انته و زوجتك حتى لو كان الانسان هاذا انته تثق برايه لابعد الحدود ..
اسمع رايها و خلها تسمع رايك .. وبس ( هاذيلا الراييين الوحيدين الي ممكن يحولون حياتكم للافظل ..
انتو الي تحكمون مملكتكم مو الناس ..
راجع حساباتك قبل ما تلومها .. و شوف انته في شوه غلطان ( معاها ) و خلها نفس الشي تراجع حساباتها .. وانته موجود .. تكلمو بصراحه مطلقه عن الحال الي عايشينه و الحال الي تتمنون تعيشونه
حطو قواعد الحياة الي تعجبكم
وعيشو عليها
وشوفو النتايج ..
والله يوفقكم طوووووووول حياتكم ..
لاتفقد الامل فالسعاده
صدقني انها قريبه من كل شخص اقرب من نفسه .. لكن المشكله في طريقة الاحساس فيها ..
والسموحة ع الاطاله ..
ولكن اتمنى انك تفهم كلامي … و تبدا خطوة الصفحه اليديده البيظا مع زوجتك
والله يوفقكم و يحميكم و يسعدكم من كل قلبي ادعي هالدعاء لكل انسان متزوج .. ويبحث عن السعاده ..
وتقبل مروري ……
عفوا انته ليش ما خذ الموضوع بحساسية انته فتحت الموضوع شو فيها لو امراة ردت في موضوعك مب عيب بعدين انته ليش معصب جي
الأخت محتاجه ابيك ما غلطت ردها عادي
بعدين النقاط إلي سردتهم ترانا احنا كلنا عارفينها مب صغار نعرف هناك نسبة مطلقات نعرف ان بعض الأزواج غير مرتاحين
نعم في حريم اشجع من الريايل شو فيها
نفسي اعرف ليش تبى تغلق الموضوع دام انك فتحته
ارجو انك تتقبل مروري بدون زعل
اختك سما بوظبي
أختي اشكرج على ردج لي بس اظاهر بنسكر هذا الموضوع لسببين :
1. كل الازواج مرتاحين مع زوجاتهم الا انا ملعووون صيري ..
2. صارت المرأة أشجع من الرجل والدليل تجاوبج السريع على هذا الموضوع ..
الحمدلله ان كل شبابنا مرتاحين مع زوجاتهم والبيوت عمرانه و ما عندنا مطلقات …….!!!
بس الله يهديهاااا جريدة الاتحاد صرحت امس بتوزيع 4000 مسكن شعبي …. من ضمن هاذي الارقم اكثر من 7 اعمده اسماء المطلقات …. مادري هذيلا مواطنات و الا مساعدات خارجية …؟
تحياتي للجميع …. من طرفي أغلق هذا الموضوع ..
شكراً