السلام عليكم,
اخواني اي لهم خبره في التقييم,
مرسيدس اس ال 500 كت ورنجات اي ام جي اصلي من الوكاله.
موديل 2002
ماشي 60 الف فقط.
وارد قرقاش باسم مكتب شيخ كما ورد في الفاتوره.
تجييكات وكاله وتوه مسوي ميجور سيرفس على ال 60 الف
اللون الخارجي: اخضر تركوازي
الداخلي: بيج ومخشب
السياره نظيفه من الداخل والخارج تقدر تقول ممتاز.
حاب اعرف تقييم السعر فقط لو سمحتو.
شاكر لكم تعاونكم
اخوي العزيز .. انا راغب بالسيارة .. بس لازم تحطلنا صور شوي فيها .. وبعطيك سعري .. انا جاد
هلا اخوي والله مادري اذا هي الي شفتها, فعلا عليها رقم ازرق بس المخفي مال في كول 30 بالميه.
انا اشتريتها 108 الف رمضان هذا الي طاف وبدلت تواير يوكوهاما ب 3000 وصيانه اولى ب 5000 من اربع شهور والحين توني صيانه رئيسيه ب 11000 عند جراج مراغي بوظبي. طبعا الصيانه عاليه لان ماخليت عليها قصيره. حتى الي ما يحتاي يتبدل بدلته. والحين محصل لها سي دي نفيقيشن 2010 وبركبه لها عباره عن النظام القديم مع قاعده بيانات يديده 2010. مع اعاده برمجه للكمبيوتر ستيج 2 من عند اخونا بو عبدالله هنيه في المنتدى, واصبحت الصرفيه ممتازه حوالي 550 كيلو و على الخطوط اكثر.
هاي اول مره اشتري مرسيدس لاني دوم على البي ام. لكن ماشالله مكينه ال 500 ماعليها كلام. اقتصاديه وقوتها حلوه, وامان وثبات وفخامه.
كل شي فيها تكييف ودفايه كراسي, ودخول وتشغيل بالبصمه وهيدروليك يرفع السياره. حتى عده الاسعاف والتاير السبير ما تبطلن. ماعدى بانوراما لانه نزل 2003. انا استخدمها للدوام فقط لا سرعه الحمدلله ولا سباقات لان الشوارع تعرفون زحمه الصبح والعصر. وحبيت اعرف سعرها للتقييم لان مافي في بالي سياره معينه الحين.
وشاكر لاخواني الي يقيمون
شباب هدوو اللعب
اسعاركم اسعار معارض انا ربيعي عنده موديل 2004
مادري 2003
اس ال 500 وعليه كت 55 اصلي ويبى يبيعه بال80
عرفتها السياره ..
انا اشهد عليها شفتها فالوكاله في الفطيم .. ارقام بوظبي زرق عليها عاكس ..
نظيفه السياره .. بس أنا عندي sl63 ولا باخذها
بايعت عليها المندوم من فتره قالي هب للبيع .