للبيع نيسان فتك الجديد 2010 اللون لؤلؤي فل ابشن رقم 1 v8 //400hp التسليم 25 /2
السعر 325 الف
للتواصل
009745432299
عبدالله
السعر 325 الف
للتواصل
009745432299
عبدالله
ملاحظه
الرجاء الجديه الي ماله حاجه لا يعلق يدعي لنا با التوفيق و يرد الباب وراه
[i]صدق انه بعض الناس ماعندهم سالفة الريال عرض السيارة للبيع وهو حر في السعر الي يبغي يشتري يتواصل مع الريال وال مايبغي لا يتفلسف[/i]
موفق اخوي ان شاء الله
التسليم 25/2
متاكد اخوي ؟
إرضاء الناس غاية لا تدرك
************************************
هذي طبيعة الناس تنقم على اي شي …. وانته ما عليك من الي ينكتب ولو لك فيها بيعه بنتباع باذن الله وبالسعر الي انته تباه … انا عن نفسي اشوف السعر مرتفع لكن ما الومك
************************************
لو نرجع 6 سنوات او 7 لما نزل الرنج الاسبورت سوبرجارج … كان الطلب عليه فضيع وكانو توهم زايدين رواتب الجيش .. فكان الطلب وايد زايد وبالتالي وصل سعره فالمعارض 400 الف درهم او اوكثر والناس كانت تشتري مع ان سعره فالوكاله 325 الف درهم … والناس احتشرت وقالت مبالغ فالاسعار وفالنهاية اشتروا وهم يضحكون ..
*************************************
موضوع رفع السعر سببه واحد …. زيادة الطلب من الناس على السيارة لدرجة ان الدفعات الي توصل من الوكاله تكون كلها مبيوعه وبكاش مب عربون … فالبتالي الواحد لما يروح عشان يحجز السياره لازم ينتظر اقل شي 6 شهور وفي وكالات 10 شهور … فيكون احد من التجار ماخذ كمية عشان بيعها بطريقة الاحتكار ويرفع سعرها عن سعر الوكالة .. ويوم اتروح المعرض تتفاجأ بالسعر ويكون تبرير صاحب المعرض أن إذا انته فيك صبر اتروح تحجز ونتنظر 7 شهور أو انك تزيد 50 الف وتشلها من المعرض وعليها ضمان الوكالة …. (( كلام منطقي )) .. وهذا الحاصل الحين ….
*******************************************
أما موضوع ان النيسان وما يستاهل هذا السعر والاستيشن افضل … فهذا كلام ينعاد دايماً في كل مره ينزل فيها موديل يديد أو شكل يديد للسيارات ..
سنة 1998 لما نزل النيسان أو سنة 2003 أو 2004 لما اتغير الشكل ( بوصطاب ) الناس ذمة الشكل وبخسو فيه على الاخير … وفي النهاية تم مثل اللبانه كل حد اشتراه ..
والاستيش لما نزل شكل 2008 الناس اتذمرت منها بشكل مش طبيعي وقالوا السعر مرتفع والحين كل حد يدورها دواره
( انا عن نفسي ذميت الاستيشن لكن الحين ناوي عليها )
والمسلسل ماشي على النيسان الحين …
************************************************** *******
عزيزي اتوكل على الله وموفق في البيعه … وصدقني غيرك مب احسن منك والي عنده يشتري طال عمرك والي ما عنده يتريا سنة لين تهدى الاوضاع ويقل الطلب على السياره …
************************************************** ******
لكم مني اجمل تحيه …..
مابصك الباب هع هع