السلام عليكم ورحمة الله وبركاته
للبيع نوكيا 6220 كلاسيك: 
مستعمل … ضمان فونو سنتين مب ضمان المحلات
ويا اغراضه : سماعه + جراجه + وصلة التلفزيون + وصلة يو اس بي + السي دي
التلفون فيه خدش بسيييييط فوق :
والتلفوون حطيت له البرامج التاليه :
– برنامج المسنجر لايف
– برنامج ميديا سيف ( حفظ الصور والفيديوات بكلمة سريه )
– برنامج vibrate call ( يوم تتصل بحد مايحتاي تحط التلفون على اذنج عشان تسمع اذا الطرف الثاني رد ولا .. التلفون روحه يهز لين ما الطرف الثاني يرد )
– برنامج CorePlayer ( مشغل DivX , Avi , وتقريبا كل صيغ الفيديو بدوون ماتحول الفيديوو ولا شي ويشتغل بكفائه عاليه والي بياخذه أقدر اشغل له مقطع فيديو عشان يتأكد
)
و غير هاذا برنامج القاموس الناطق ( عربي – انجليزي انجليزي – عربي انجليزي – انجليزي عربي – عربي ) هاذا القاموس من شركة نوكيا والصراحه أحسن قاموس نوكيا لين الحين .
وفيه البرنامج الإسلامي ( من نوكيا بعد )
والي بياخذ التلفون وفي خاطره برامج ثانيه ولا ثيمات ولا العاب فاله طيب ..
وانتو تعرفون لو بتسيرون عند محل يحط لكم هالبرامج مابيكلف أقل عن 100 درهم ..
وسعري 1250 درهم فقط ,, ..
اتمنى احصل شراي قبل العيد
التلفون حصلته مستعمل ينباع على 1300 درهم ..
اليديد ينباع في المحلات تقريبا على 1600 وشي .. أما عند الوكيل الي هو فونو ولا اكسيوم تقريبا 1900 مب متأكد بس طبعا اغلى عن المحلات .. أنا اقارن الي عندي بأسعار الوكلاء لانه من فونو
اصلا بعد سعري اقل عن المحلات خخخخ
الي في خاطره يراسلني ع الخاص ,, واتمنى أي حد يرد ع الموضوع يكون يا عنده استفسار أو يبا يشتري أو يدعي بالخير ..
– برنامج vibrate call ( يوم تتصل بحد مايحتاي تحط التلفون على اذنج عشان تسمع اذا الطرف الثاني رد ولا .. التلفون روحه يهز لين ما الطرف الثاني يرد )
خخخخخخخخخخخخخخخ
بالغلط .. كنت كاتب الموضوع ع السريع
للأخوه من خارج المنتدى .. أرجو ارساله رساله على الإيميل :
bo-jasim@hotmail.co.uk
واتمنى ارسال رقم المبايل وانا بتواصل ..
مشكوور اخوي ع العرض
لكن انا ناوي ابيع التلفون لاني ما استخدمه …
ومشكوور على مرورك ،،،
اقرا الخاص اخويه
اخي الكريم اذا لك رغبه بالمبادله مع سوني اريكسون G900 طرش لي عالخاص ..