للبيع كمره سوني الاحترافيه وسوني فيديو

السلام عليكم ورحمه الله وبركاته

شحالكم عساكم بخير ونعمه ^_^..

اليوم يايبتلكم كيمرتين ..
وان شاء الله تعيبكم الاوبشنات اللي فيهن مثل ما عيبوني ..

أول كام ..
هي سوني الفا 200 الاحترافيه

طبعا هالكام شارتنها ب 2000 معاها شنطه وعدسه 15-70 وباقي مستلزماتها
وخذت عقب عدسه سجما 70-300 ب سعر 700 درهم هالعدسه ما استخدمتها الا مره او مرتين

يعني كله كامل 2700

الكام ماعليها رمسه ..
وانا عن نفسي كنت مستانسه ع تصويرها ..

غير جيه وديتها الوكيل في دبي سوالها تنظيف كامل .. واليوم ردوها لي ..

وهاذي صوره الكام ويا عدسه السجما والكتب مالتها ..
طبعا الكام مستعمله .. وللعلم فيها خدوش بسيطه .. ماتبين .. الا اللي بيركز وايد ..

والكرتون مالها موجود عندي بس البارتشنات اللي داخل ( الحواجز) عقيتهن من اول ماخذتها ..

وكل شي موجود .. الواير اللي بين الكمبيوتر والكام .. والواير اللي بين الكام والتلفزون ..
والجرج .. وميموري كارد 2 جيجابايت -وطبعا الشنطه -والبودي مال الكام – والعدسه 15-70
وعدسه سجما 70-300 ..وان شاء الله ما اكون نسيت شي ..

وسبب البيع لأني خذت كام ثانيه ..^_^..

المطلوب فيها 2000 نهائي ..

وهاذي صوره الكام وعدتها ..

^_^

الكام الثانيه ..
سوني فيديو DCR-SR68E

الكام يديده .. غيييييير مستعمله ..

تكبير رقمي 2000x :
التكبير الضوئي : 60x
شاشة LCD touch 2.7 : انش
هارد ديسك تخزين : 80 جيجا
حساس الصورة : 1/8 CCD
حساس الصورة الثابتة 720×480(4:3):
نوع العدسة Carl Zeiss / Vario-Tessar :

الكمره فيها نظام تاتش مثل ما هو مكتوب فوق ..
وفيها كشاف صغيرون من جدام ..
وفيها خاصيه الويوه .. يعني اللي تصوره بالفيديو تحصل فالشاشه يظهرلك مثل مربع يركز ع الويه ..
الكام للأمانه وايد حلوه ..

وسبب البيع ..عندي كام فيديو نوع كانون .. كان واحد من وايراتها ضايع ودورت نفسه فالسوق ومالقيت ..
عسبه جيه خذت هاذي .. وسبحان الله لقيت بالحظ واير لها فأبوظبي ..ولأني متعوده على تصوير الكانون ولو انها اقدم عن كمره سوني فالتصنيع .. بس متعوده ع الكانون واحب تصويرها عسبه جيه ما استخدمت هاذي ..

وعلى فكره معاها شنطه سوني الاصليه ..

وهاذي صوره الكام بكرتونتها ويا الشنطه

وسعرها 1499

وسعرها فجامبو 1499 <<باقي درهم للي يحاسب ع هالشي هههه

وهذا الرابط

سعر البيع 1499

قابل للتفاوض بالمعقول ..
وبالمعقول ياطويلين العمر ممكن اني انزل 100 او 200 هب اكثر عن جيه ..

وكلمه لكل من يمر ع الموضوع .. لا تبخسو الناس اغراضهم ..
لو واحد منكم دخل مول وشاف هالاسعار هاذي ما بيتنصخ ولا بيقول نزل وبياخذ الغرض بسعره .. وهو ساكت .. فلو ما عليكم امر.. لا تبخسو الناس اشياءهم وخافو الله فهالشي ..

اللي فخاطره وحده من الكامين عليه بالرسايل الخاصه ..

واللي هب عايبنه السعر بليز بدون تجريح .. ويا يقول كلمه زينه .. او انه ما يرمس خير شر^_^

على فكره تراني فالعين ..

والسموحه ..

سبحان الله وبحمده سبحان الله العظيم ..