السلام عليكم ورحمة الله وبركاته ,,,
بغيت أعرف آرائكم في الإنفنيتي جي 35 الصالون ( 4 أبواب )
لأني ناوي أشتري وحدة ..
شو مميزاتها وعيوبها وشو سامانها .. غالي ولا لأ ؟
وشو عن موديل 2008 هل يختلف عن الـ 2007 ؟
والوكالة ما اتقصر وياك من ناحية التعامل مع العملاء ومن ناحية التشييكات ولا مذلة شرات بعض الوكالات ؟؟
اللي مجرب هالسيارة والتعامل ويا الوكالة لا يبخل علينا بالمعلومات لتعم الفائدة على الكل ..
ولكم مني جزيل الشكر .. ^_^
اشكرك والله وما قصرت وانا خاطري فيها من اول ما نزل موديل 2007 ..
الصراااحة سيارة ولا اروع ..
يزاك الله خير عزيزي على المرور ..
ماعليييييييييييييكم زوود
الله يوفقك يا اخي وسياره مميزه وسعرها منافس مقارنة مع اسعار السوق
السياره فها كل المواصفات ما ينقصها شي واضافه على ذلك محرك جبار 327 حصان و 3.5 لتر وسته سلندر !!!!!!!
يعني محرك قوي … وسياره فخمه وشبابيه …
2008 بيكون فيه بلوتوث و نظام ملاحه من المصنع …
الله يوفقك يا خوي …
وما خاب من استخار ..
يزاك الله الف خير وما قصرت بالمعلومات والله ..
وكل اللي عندهم الإنفنيتي مدحوها ابدا ما ذمووووها ..
وان شاء الله راح استخير مثل ما وصيتني ومشكوووور على المرور عزيزي ^_^
عليكم السلام ورحمة الله وبركاته
أنا مجرب الموديل القديم ولحد الحينة موجود عندي مافيه مشاكل ولا شي والحمد لله
أول شي بخصوص التغييرات بين 2007 و 2008
الاضافة تكون فقط في اضافة البلوتوث ونظام نافجيشن ناطق بالعربي ويعمل باللمس
ثاني شي بخصوص التعامل مع الوكالة والحمد لله متعامل وياهم أحسن معاملة
مواعيدهم تقريبا مظبوطة بالساعة ( أتكلم عن وكالة المسعود )
وبخصوص قطع الغيار فهي تقريبا أرخص من اللكزس وأغلي بشوي من النيسان
لأنه معروف للجميع انه الانفنتي من فئة السيارات الفخمة
اتوكل على الله وان شاء الله بتدعيلي
ولا تنسى صلاة الاستخارة