للأسف : حالتنا بالسوق

للأسف : حالتنا بالسوق
فى ذيب000000,, كل ما يشوف القرد يضربه طراق على وجهه ويقول له 0000
ليش مو لابس طاقيه
ابتلش القرد بعمره مايدرى شنو طاقيه
ولا يقدر يرد على الذيب ,, وان رد على الذيب راح يفرك خشته الذيب
قام القرد وراح حق ملك الغابه طويل العمر الاسد يشتكى على الذيب
ويقوله ان الذيب كل ما يشوفه يضربه طراق ويقول

ليش مو لابس طاقيه
وانا ما ادرى شنو الطاقيه
قام الاسد ونادى الذيب وقاله ليش دائم تضرب القرد وتقوله

ليش مو لابس طاقيه
قال الذيب للاسد ياطويل العمر انا ما احب القرد شكله مو عاجبنى واقول اى شى عشان اضربه جذيه فلسفه
قال الاسد يا الذيب انا بعد مثلك ما احب القرد بس عاد لو تلقى سالفة ثانيه فيها عذر وتضربه عليها اشوى من طريقتك وسؤالك اللى ماله معنى
ليش مو لابس طاقيه
قال الذيب للاسد شلون يا طويل العمر 00 قال الاسد قول للقرد ابى تفاحه واذا جاب لك تفاحه حمرا حكه طراق وقوله ليش ما جبت تفاحه خضرا ,
واذا جاب تفاحه خضرا حكه طراق وقوله ليش ما جبت تفاحه حمرا
وخلك على هالمنوال على الاقل فيه عذر احسن ما سالفتك
ليش مو لابس طاقيه
قال الذيب اوكييييييه يا طويل العمر وراح الذيب اليوم الثانى صادف الذيب القرد وقاله
روح جيب لى تفاحه
رد عليه القرد قال تبيها حمرا والا خضرا
توهق الذيب برد القرد اللى ما توقع قام وحكه طراق وقاله
ليش مو لابس طاقيه 00 !!!
منقول
__________________