وصبحكم الله بالخير ،،،
عندي اخوي يدرس بأمريكا وانا اكلفه دايم بشراء سيارة لكزس واشحنها للسعودية والامارات “دبي” واترزق الله وابيعها والحمد لله الامور طيبة ، ولقى لي لكزس LS 430 فل كامل موديل 2005 ونظيف جداً فحصه مرتين ومضمون 100% وسعره خيالي جداً جداً والسر بالسعر هو وجود المبلغ كااااش والامريكي مضطر وخق من الكاش ، ، واخوي عربن عليه احتياط ولكن فيه عله واحده فقط . . . طبعاً هذه العله اكيد بنظر الي بيشتري مني السيارة مستقبلاً . . . وهي اللون :
اللون الخارجي ” اسود ” !!!
و
اللون الداخلي “اسود” !!!
انا اقول عادي بس اخوي يقول ما بتلاقي له شرررراي!!!!
انتم وش رأيكم بيكون مرغوب؟؟؟ لان الي يشتري هذا النوع من السيارات يهتمون بالالوان.
طبعاً سعره بعد وصوله لدبي او الرياض 135.000 درهم او بما يعادلها بالريال.
طبعاً ماشي 150.000 كيلو متر
انا رأأيي بيطير مني مباشرة ان شاء الله . . . بس اخوي شككني ابي شوركم يالربع.
لو من داخل بيج او هيليوس او حتى احمر زعفراني مقبولة
الشراي بيلاقي ألوان منافسه بنفس السعر او اقل
ياريااااااااال بتخسر ماخذ صخامه مب سياره عنبوه شتباها والله يعني يوم بتي تبيعها فشوه بتمدحها بتقول نضيفة بس هالكلمة الي عندك بس لو كانت بيج من الداخل تروم تتفلسف فالبيعه واترويه نظافتها وثاني شيء البيج بيغري الشراي لكن ماخذ سوووووووووووووده
عني انا مب مقتنع …
وبعدين وااااايد ماشيء 150 الف كيلو …
انا الي عندي مابتتوقع كم ماشيء 67 الف كيلوا يعني فرق واااااايد …
فمادري أخوي الراي الأول والأخير لك ..
وسمحلنا على الإطاله …
مايسوى ولا تسوى
سياره سوده ومن داخل اسود في عز الحر اللي يركبهاا بينشوي
حلاتها السياره غامجه من برع وفاتحه من داخل تحسها منوره
انزين السعر خيالي صح لو كانت ماشيه ع الاقل 90 الف
بس انت توكل واذا حسيت انك مرتاح للسالفه خذهاا يمكن عقب تندم ^^
وترا الشور الاول والاخير يرد لك
السلام عليكم
اسود من داخل اسود صعب ينباع بسرعة اتعرف انته الجو الي عندنا مول ما يساعد غبار كل يوم غسيل المشكلة انه اسود من داخل والاسود مب مرغوب شرات البيج والشور شورك اذا انته مقتنع بالسيارة اتوكل الكزس بشكل عااام ما بتخسر فيه وسعره مثل ما هو ما يتغير الى اذا كان فيه عله
وبالتوفيج اخوي