السلام عليكم ورحمة الله
شباب انا عندي استفسار بخصوص برج سكاي تاور الي بمدينة المرموقة على شارع الامارات بامارة عجمان
الي لاحظته انهم لين الحين ما بدأو بالانشاء .. اللهم انهم حاطين سور حديدي بس عسب يحددون مكان البرج وغير هذا ماشي …
وصارلي تقريبا 6 شهور اسألهم متى بيبدون يقولون الشهر الياي … ولين الحين بعدهم ما بدوا … مع العلم اني دافع لهم 110.000 والي هي 3 دفعات كل دفعه 5% من قيمة الشقة
اتمنى من الي ماخذين شقق بهالبرج يردون علي عسب اعرف وين وصلت له الامور … وحتى نقدر نتجمع ونوكل محامي يرد لنا بيزاتنا اذا كانوا ما بيبدون بالمشروع …. لانا بهالحالة متعلقين … لا انا لقينا بيزاتنا ولا انا حصلنا شقة
والسموحة على الاطالة وبانتظار ردودكم
انا عن نفسي كل الي سويته اني دفعت لهم 3 دفعات كل دفعه 5% يعني 15% من القيمة الاجمالية وخلوني اوقع عقد بالانجليزي طبعا هذا اول يوم اروح لهم فيه … وطبعا لا شيكات عطيتهم ولا غيره …
اتمنى من الاخوان الي عندهم خبرة بهالشي يفيدوني ويخبروني انا شو وضعي الحين اقدر اكنسل او شو السالفة …
طبعا ارد واقول اني ما عطيتهم اي شيكات لا قبل ولا بعد ما يدخل التنظيم العقاري بالموضوع
…
اتريا ردودكم
حتى التنضيم العقارى فى صالحهم يعنى يلزم المطورين بفتح الحساب لكن كم قيمة الحساب لايهمهم ,حسبي الله و نعم الوكيل فيهم كلهم. نصيحة للجميع أوقفوا الدفع شوفوا لكم محامى احسن لكم.
السلام عليكم
يوم شريت الشقة في شركة سوان وقعت معاهم ع عقد بالنجليزي وما كان في اشياء وايده تضر المشتري والشي الوحيد الي يباله ذكر تقريبا هي انهم ياخذوا نسبة 1% من قيمة الدفعة الشهرية كل ذهر اذا تأخرت في سدادهاوقبل فترة اتصلولي وقالوا تعال وقع ع عقد عقد بالعربي وقالوا لي ان نفس العقد الانجليزي وانا اصريت اني اخذ نسخة واقراها قبل واكتشفت ان فيها اشياء وايده مب في صالح المشتري وأن اذا اتاخرت في سداد الدفعة الشهرية تنحسب 1%عن كل يوم تأخيرشوف الخياس وغير اشياء ثانية مب في صالحنا ونصيحة الي ما وقع ع عقد بالعربي لايوقع الانجليزي كافي
الله المستعان
السلام عليكم
أعانننا الله …
حتى الذين قاموا بالشراء فى ابراج مدينة حميد تبين ان هناك عملية خداع من قبل المطور للمشترى بالنهاية تبين عدم تسجيل المطور عند هيئة التنظيم على الرغم من الاموال التى دفعت للمطور وتبين فى النهاية كذب وغش المطور
الله المستعان
انا رحت اليوم محكمة عجمان قلت برفع قضيه على الراشد للعقارات قالو لازم اتقدم على طلب لجنة التوفيق والمصالحة سويت طلب مع صور عقد وصور شيكات مع فواتير قدمت طلب دعوه حددولي جلسه يوم 24/6/2009م عند قاضي طلع مب انا بس مقدم دعوه كل ناس الي اشترو كانو موجودين في محكمه اليوم لانه صاحب شركه مب موجود في دوله موجود في لندن على حسب كلام الي سمعتا اليوم مطلوب 35 مليون الي عنده شقه عند راشد يروح يشتكي احسن……..