السلام عليكم ورحمة الله
شباب انا عندي استفسار بخصوص برج سكاي تاور الي بمدينة المرموقة على شارع الامارات بامارة عجمان
الي لاحظته انهم لين الحين ما بدأو بالانشاء .. اللهم انهم حاطين سور حديدي بس عسب يحددون مكان البرج وغير هذا ماشي …
وصارلي تقريبا 6 شهور اسألهم متى بيبدون يقولون الشهر الياي … ولين الحين بعدهم ما بدوا … مع العلم اني دافع لهم 110.000 والي هي 3 دفعات كل دفعه 5% من قيمة الشقة
اتمنى من الي ماخذين شقق بهالبرج يردون علي عسب اعرف وين وصلت له الامور … وحتى نقدر نتجمع ونوكل محامي يرد لنا بيزاتنا اذا كانوا ما بيبدون بالمشروع …. لانا بهالحالة متعلقين … لا انا لقينا بيزاتنا ولا انا حصلنا شقة
والسموحة على الاطالة وبانتظار ردودكم
السلام عليكم
نفس المشكلة يا اخوى بوظبى اريد الطريقة لالغاء العقد مع شركة اجيال حتى لو تم خصم نسبة من المبلغ المدفوع …. بس الى لم يقوموا بفتح حساب ثقة
حبيت اضيف بس اني قبل وقعت ع عقد بالانجليزي.
يا جماعة ابا اكنسسسسسسسسسل حتى لو يخصموا نسبة المهم افتك من الهم والغم والصدعة دلووووني كيف الطريقة عسب اكنسل
شكرا
السلام عليكم
اخواني ممكن حد يفيدني؟
اشتريت شقة في مدينة المرموقة -سكاي تاور -غرفة وصالة
واليوم كلمت البجعة للعقارات وقالوا لي انهم ظهروا حساب ضمان ولو ابا صوره منه بيطرشلي اياه ع الفاكس ولازم نعطيهم شيكات مالت 12 شهر والشيكات القديمة الي باسم البجعة التغت لاني كنت معطنهم حق كم شهر وقالوا لي لازم اعطيهم شيكات ثانية والشيكات القديمة بيردوه لي-(معلومة عسب تستفيدوا منها)
سؤالي: البجعة -المطور ضيعوا العقد الي وقعته لهم -الظاهر ما وصلهم لان اشتريت الشقة عن طريق وسيط غير الوادي الاخضر- هل الحينه اقدر اطالبهم يردوا بيزاتي لأن ما عندهم عقدي -لاني سمعت من قبل كم واحد ما وقع العقد وردوله البيزات؟؟؟
ارجو منكم النصح بالسرعة الممكنة؟؟؟؟؟؟؟؟
اخوي limit راجع لموضوع ادناه ان شاء الله يفيدك عن شركة الراشد
السلام عليكم
حد عنده خبر عن الراشد للعقارات ؟؟
اتصلت على الهيئة وقالولي انهم ما سجلوا !!!