السلام عليكم ورحمة الله
شباب انا عندي استفسار بخصوص برج سكاي تاور الي بمدينة المرموقة على شارع الامارات بامارة عجمان
الي لاحظته انهم لين الحين ما بدأو بالانشاء .. اللهم انهم حاطين سور حديدي بس عسب يحددون مكان البرج وغير هذا ماشي …
وصارلي تقريبا 6 شهور اسألهم متى بيبدون يقولون الشهر الياي … ولين الحين بعدهم ما بدوا … مع العلم اني دافع لهم 110.000 والي هي 3 دفعات كل دفعه 5% من قيمة الشقة
اتمنى من الي ماخذين شقق بهالبرج يردون علي عسب اعرف وين وصلت له الامور … وحتى نقدر نتجمع ونوكل محامي يرد لنا بيزاتنا اذا كانوا ما بيبدون بالمشروع …. لانا بهالحالة متعلقين … لا انا لقينا بيزاتنا ولا انا حصلنا شقة
والسموحة على الاطالة وبانتظار ردودكم
الله المستعان على عباده الفاسدين
ان شاء الله تحصلون حقوقكم بالقريب العاجل
وكل الله ,,,هو حسبك
السلام عليكم
فكرة طيبة يا خوي ولكني حاولت ان أغير الموضوع من المشاركة الأولى ولكنه لم يتغير ،،،
فهالزمن الواحد مب عارف وين يضرب براسه الكل صاروا ينهبون
فنصيحه مني نزلو موضوع يديد ومرتب وفالموضوع مكتوب لجميع مشتركي سكاي تور والكمفورت الدخول للضرووره
اعتقد المووضوع بيكون ملفت اكثررر
واكثر تفاعل بتحصلها بالقسم العام استأذنو من المشرف تنزل الموضوع …بالقسم العام
وانا اقولكم بتحصلو تفاعل من الجميع وافكار تساعدكم لانه زوار هالقسم اعدادهم قليله
وربي يوفقكم
يوفق الجميع ان شاء الله