السلام عليكم ورحمة الله
شباب انا عندي استفسار بخصوص برج سكاي تاور الي بمدينة المرموقة على شارع الامارات بامارة عجمان
الي لاحظته انهم لين الحين ما بدأو بالانشاء .. اللهم انهم حاطين سور حديدي بس عسب يحددون مكان البرج وغير هذا ماشي …
وصارلي تقريبا 6 شهور اسألهم متى بيبدون يقولون الشهر الياي … ولين الحين بعدهم ما بدوا … مع العلم اني دافع لهم 110.000 والي هي 3 دفعات كل دفعه 5% من قيمة الشقة
اتمنى من الي ماخذين شقق بهالبرج يردون علي عسب اعرف وين وصلت له الامور … وحتى نقدر نتجمع ونوكل محامي يرد لنا بيزاتنا اذا كانوا ما بيبدون بالمشروع …. لانا بهالحالة متعلقين … لا انا لقينا بيزاتنا ولا انا حصلنا شقة
والسموحة على الاطالة وبانتظار ردودكم
اخي روح اشتكي عند الشرطة وقدم فيهم بلاغ وخلي يودون مدقق قانوني و خبير انشاءات لحساب ما تم انشاءه وهل لديهم قدرة على البناء ام لا.
اذهب و لا تتردد لان التردد لن ينفعك لان كل اصحاب هذه العقارات المذكورة الان هم خارج الامارات و هربوا بما يملكون
يا اخوان انا عندي شقة في برج راشد واحد على اساس العقد اني استلم في 1/1/2010 اليوم سرت الراشد للعقارات في عجمان قالو ان مشروع لين الحينه ما بدا قلت ابغي الغي العقد قال روح اشتكي للشرطة نحنا ما نرجع فلوس شو اسوي الحينه
هل فى احد عنده اخبار عن المطور شابل chapal والسموحة ياشباب
الله يعينكم ان شا الله
ويفرجها عليكم
صرفوا شيكاتي انا ؟؟