السلام عليكم ورحمة الله
شباب انا عندي استفسار بخصوص برج سكاي تاور الي بمدينة المرموقة على شارع الامارات بامارة عجمان
الي لاحظته انهم لين الحين ما بدأو بالانشاء .. اللهم انهم حاطين سور حديدي بس عسب يحددون مكان البرج وغير هذا ماشي …
وصارلي تقريبا 6 شهور اسألهم متى بيبدون يقولون الشهر الياي … ولين الحين بعدهم ما بدوا … مع العلم اني دافع لهم 110.000 والي هي 3 دفعات كل دفعه 5% من قيمة الشقة
اتمنى من الي ماخذين شقق بهالبرج يردون علي عسب اعرف وين وصلت له الامور … وحتى نقدر نتجمع ونوكل محامي يرد لنا بيزاتنا اذا كانوا ما بيبدون بالمشروع …. لانا بهالحالة متعلقين … لا انا لقينا بيزاتنا ولا انا حصلنا شقة
والسموحة على الاطالة وبانتظار ردودكم
اخوي القناص ممكن اتفيبدنا من وين تييب ها الاخبار؟
يا جماعة الخبر ه مب واضح بالنسبة لي/الحين يعني لو ابا اكنسل بيخصموا مني 30 % ولا ها القرار خاص بالمطورين فقط؟؟؟
منو المطور لمدينة حميد؟؟
الله يعوض عليكم ويكون بعونكم
لو المشروع تابع للهارب عمران خان فاتوقع انكم تنسوون الموضوع او اتشوفون محامي يتابع موضوعكم …
الله يعينكم
واذا ضاع حقكم ترا عند الله مافي شي يضيع