هلا اخواني
هلا اعضاء هذا المنتدى العظيم
شوفو اغرب قصة حدثت لي خلال شهرين من اليوم
و هي مع الاتصالات
الشركة الرائدة في عالم الاتصالات
احم احم
يا اخوان
اكيد انتو سمعتو عن عرض الانترنت الي يركب في اللابتوب و الي تدفع 460 درهم شهريا
لاحد يقول انة ما يعرفة لان اعلاناتة في كل مكان
المهم
اخوكم سار الاتصالات و خذلة رقم و يلس على الكرسي و هو يالس يتريا متي يجي دورة
المهم
و يا دوري و جان اقوم و ايلس عند الموظف الي في الكاونتر
قالي كيف اساعدك
قلتلة يخووك بغينا العرض مال الانترنت الي في اللابتوب
قالي لازم يكون عندك خط جي اس ام
قلتلة ما يركب على المدفوعة مالي
قالي لا
قلتلة هب مشكلة ظهرلي خط (((((( الطامة الكبرى ))))))
قالي سير اختار لك رقم من الارقام المعرووضة
و جان احصل كل الارقام رايحة فيها المهم ظهرنا رقم و شليت الرقم ووديتة عندة
قالي تبا هذا الرقم
قلتلة هيه
قالي هات بطاقة هوية
قلتلة اندوووووووووك
قالي لازم تاخذ اليو اس بي عسب يركب في اللابتوب
قلتلة كم سعرة
قالي 800 درهم
قلتلة ياخووك برع رخيص
قالي برايك
قلتلة هب مشكلة باخذة من برع
قالي برايك
المهم قالي تعال باجر عسب اضيف خدمة الانترنت
قلتلة باجر يخوووووك صعب ليش ما تقدر تضيفها الحين
قالي نحن نسوي ابديت للسيستم (((((((( بس تقدر تتصل على 101 و هم بيشغلونها ))))))))
قلتلة خلاص
و جان اظهر من الاتصالات دايركت على محلات الكمبيوتر و اشتريت الوصلة
و مرة بسرعة على البيت ابا اجرب الانترنت
ما اشتغل لاني نسيت اتصل على 101
المهم اتصلت على 101 و خبرتهم و قلتلهم يا ناس ابا عرض الانترنت لابتوب
قالولي خلال 24 ساعة بتشتغل عندك
قلتلهم اوكي
كملت ساعة تقريبا و اشتغل عندي النت
طبع اخوكم فرحان سهرران لين اخر الليل عليى اللابتوب
مع و ربي عندي اكثر من كمبيوتر ديسك توب في البيت بس تعرفون خرشة اللابتوب و انت يالس جدام البيت
و مر الوقت و الايام و الليالي
و يا اخر الشهر
و انا كنت مسكين راد من الدوام ساير البيت و انتو تعرفون دوام الشفتات متعب للغاية
قلت خلني امر على البريد يمكن رسائل الاسهم تكون موجودة
للاسف حصلت الرسائل كلها من الاتصالات
قلت هب مشكلة خيرها في غيرها
و سرت البيت
و انا يالس على اللابتوب
فتحت اول رسالة
لاحوووووووووووووووووووووووووووووووووووووول
انها الطامة
مصيييييييييييييييبة
فاااااااااجعة
و ربي شي مضحك
فاتورة الانترنت
تخيلو كم
يمكن ما تصدقون
و ربي
انها
115.000 الف درهم
قلت اكيد هذة 115 درهم فقط
ما ارتحت
قلت خلني اتصل على الاتصالات اتاكدو ارتاح
لاكن
للاسف
المبلغ صحيح
كيف و كيف و كيف و سبعين الف كيف
للاسف قالولي لازم تراجع الاتصالات
المهم سرت للاتصالات
و خبرتهم
قالولي لازم تكتب كتاب تشرح فية شو الي حصل
قلتلهم هب مشكلة
كتبت فية قصة حياتي (( و انا اكتب حسيت الموظف بيصيح من القصة الي متبتها ))
المهم
قالولي انتظر الاتصال
و رديت البيت و ربي و انا متحطم
بعد يومين اتصلبي واحد قالي انا مدير ما دري شو
قالي لازم تسير تكتب انك اول مرة تعرف بالخدمة هذة و تكتب مادري شو
المهم
سرت الاتصالات و سرت هند احدى الموظفات و خبرتها السالفة
قالتلي ما يحتاي خلاص
المهم رديت البيت
كسرت البطاقة ((( وربي خليتها طحين )))
و انتهى الموضوع
قلت يمكن فاي لحظة يتصلون لي و يعطوني الخبر المفرح
و جاء هذا اليوم الي هو اليووووووووم بتاريخ 21/6/2008
سرت البريد
طبعا ما كنت خايف من الفاتورة لاني قطعتها خلاص من هاك اليووووووووووم
و شفت فاتورة الانترنت مالتي
ههههههههههههههههههههههههههههه
و ربي شي غريب
تخيلو
يا جماعة
فاتورتي اليديدة كم
بديت احس ان حد من اخواني عندة شركة فيها 150.000 الف موظف و كلهم يستخدمون نفس الرقم
فاتورتي اليديدة
احم احم انا بطران
153.000 الف درهم
زادت 42.000 الف درهم
تخيلووووووووووووووووووووووووووووووو
من وين ياء هذا المبلغ
مع اني كسرت البطاقة
طبعا ردت حالتي النفسية مرة ثانية
و انا كنت فرحان بزيادة الراتب شكلة هذا الراتب نحس علي
شكلي اول انسان على مر السنين بسحب قرض و بسدد فاتورة
و اقولكم انا باجر بسير الاتصالات كالعادة
و بخبركم شو بيقولولي
قولو عسى ان ربي يفرجها
و اقولكم الحين
اذا الاتصالات دفعتني
كل واحد من الاعضاء يدفع 5 دراهم لي
اما اعضاء الاسهم يدفع 20 درهم
اما اعضاء العقارات يدفع 40 درهم
و اعضاء المواضيع المكررة ما اريد منهم شي
احم احم
و المشرفين مل واحد 1000 درهم
امزح
ادعووووووووووووووووولي باجر
و الي يدوام في النك يجهزلي قرض بقيمة 155.000 الف درهم
يااللة اسمحولي
و الله اني من امس هب راقد ومع الفاتورة هذة بعد شكلي برقد يومين
ربي يحفظكم و يحفظ جميع المسلمين
و عمار يا بلادي عمار
شو صار فى الفاتورة بوملحة؟؟
ويفرج عنك
انا عندي الخدمه من شهرين وحاط بطاقه مدفوعه مب واصل كل شهر احط رصيد 460 درهم فقط المشكله ياخوي انك مااشتركت في الخدمه ولا الخدمه ماشتغلت عندك لان لو ماتشترك دايركت تشتغل عندك كل 1 كيلو بايت بفلس واحسب عااد وااايدين توهقوا بنفس السالفه كله من السرعه يقولك المثل في العجله الندامه حط بطاقه مدفوعه احسن عشان تعرف شو عليك تدفع
الله يعينك
لا تخاف بوملحة
اتصالات بيحلون المشكلة ولا الفضايح فى المنتديات
اذا ما تجاوبو وياك صدقنى سو نسخة من هذا الموضوع
وانشرها فى كا المنتديات المحلية
وكل شخص يقرأ الموضوع على الاقل بيخبر 10 اشخاص للتحذير من ها الخدمة
والنتيجة سمعة سيئة وخدمة المودم بتدمر
وهذى امور مهمة عند اتصالات ولاحظ كم يصرفون
على الدعاية والاعلان
انا عارف انك ما بتطمن الا يوم بيردون عليك باجر
وخبرنا باللى يصير قال 153000 فاتورة قال
صدقنى لو يلغون المبلغ كامل لازم ترفع عليهم
قضية ضرر نفسى
صدق حركاتهم تقهر واللى اعرفه انه ها الفواتير الخيالية على المودم مشكلة من فترة صارت
لاكثر من شخص والى الحين مستمرة … غريبة
وموظفين اتصالات اللى يعرفونه يحذرونه
واللى ما يعرفونه ………..