دايما اقرأ انه في ناس مستائة من Customer service 101 من الاتصالات طبعا والكل يشهد انه صارت الخدمة للاسوأ والحمد لله
الكل يتصل وطبعا الناس فئات اللي يقول ( يالسين اتسولفن وما تشلن التلفون ) وهم ما يدرون انهم مالهم خيار في الرد والا لا ** السماعة في الاذن والرد اتوماتيكي
والاخر يقول ( اللـــــــــــــــــــه ياخذها من خدمة صارلي ساعة عالخط… واللي بعدة يسب البنت واجدادها… واللي بعده يقول حللووو معاشكم وردو ( ما يدرون انه ها الشغلة مححلة المعاش وزود ) واللي جرب ها الوظيفة وانتقل لاخرى يحب راس مديرة اليديد
طبعاً … تتمنون اتعرفون شووو خلف الكواليس ( طبعا بخبركم عن تجربتي معاهم بس والله الحمد الله الله فكني منهم )
طبعا نحن اغلبتنا عدنا شهادات دبلوم من التقنية بس دار الزمن وانحطينا بها المكان..
المهم .. الله يعين اللي يشتغلن الحين واكيد بعد ما اكتب لكم معاناتهم اكيد بترأفون بحالهن..
طبعا تختلف ساعات الدوام البعض ايي من الساعه 6 صباحا … وحد 7 و 8 و9و 10و11و12و1 و2 الخ
طبعا ( اصبحنا واصبح الملك لله اول ما اتحط السماعة على راسك على طول ( توووت توووت اتصالات مركز الاتصال وطبعا بدون حياء لازم تذكر اسمك ….. السلام عليكم
انهيت المكالمة وطبعا كل واحد ومشكلتة ومصيبته ( وانته عارف انه المتصل عنده حق بس مضطر تجذب ) عشان اتوزعه
المهم تتوالي الاتصالات ساعتين او ثلاث ساعات متواصلة بدون نفس ( اوف الله لا يعيد ها الايام ) ولا يبلي حد وبعد ها العناء تطلع 15 دقيقه تتريق ( يعني موت تيا تترق – اللي يباء يقضي حاجه في اي مكان المهم رد على الوقت بالدقيقة لانك بتتحاسب ……..
واول ما تيلس اترد على نفس الموال بعد ساعتين لين ما تنطر اذنك .. ( الله بيدخلنا النار من كثر ما نكرر… المشكلة بتنحل قريب.. عدنا مشكلة يالسيستم …..
المهم اتصالات متواصلة بدون نفس تطلع اخر الدوام اكثر عن 250 الى 300 مكالمة هم ( اسفة بس كنت احرج في خاطري واقول في خاطري ان شاء الله ما تنحل مشاكلكم ) بس من التعب
والله .. حرام في ناس انتو مب عارفين تكرف عشانكم يعني اللي يبا يتصل منكم بس يتصل لسبب مقنع والا مشكلة قوية بس مب سوالف تافه مثل msg center number يعني والله خلاص نحنا صرنا شعب مثقف …. المهم
نشكر جهود 101 والحمد لله مليون مرة اقول الله عوضني بشغلة ما احلم فيها ( شغلة بدون شغل ) والحمد لله على كل حال
وسلامتكم
شكرا على متابعتج اختي ما عطيتينا رأيج
في خدمتهم !
من المتابعين للموضوع
شكرا اختي على مداخلتج بس ما راح تتطور دايما الى الاسوأ وانتو عندكم خير دليل
دوووووووووم كل ما ادق عليهم محد يشيل السماعه واطيييح فيهم سب لين اشفي غليلي
بس دام عندهم ضغط الله يعينهم بس المشكلة مب منهم من الشركة نفسها اللي مب راضية تتطور
بس انتي ذكرتي اني سعيت للحصوص على شغل بدون شغل
وهذا الشي غلط انا عمري ما تهايزت عن شغلي والكل يشهدلي
بس ضغوطات نفسية اتخليج بنفسية ومزاج متعكر طول الوقت حتى بعد اوقات الدوام ( لا بركة بها الشغلة )
بس انتي تتكلمين وما عايشتي الوضع والحمد الله طلع واحد يعاني وما زال يعاني من ها الضغوطات
الله كريم