دعوة لتوطين العاملين في مكاتب الوساطة ولو جزئيا
بعض العاملين في مكاتب الوساطة Brokers عندما تقف امامه لينفذ لك عملية بيع او شراء ينظر لك كانك تشحت منه ويفر اوراقك على الطاولة و هو معلق سملعة الموبايل يتلقى مكالمات من اصدقائه ومن زبائنه من جنسيته نعم من زبائنه الخاصين الذين يدفعون له شخصيا عمولة غير عمولة السوق حتى يعطيهم رقم موبايله ويقوم بعمليات البيع والشراء لهم وللاسف وبكميات ضئيلة جدا واحيانا على المكشوف ويضيع الفرصة على المستثمر الذي امامه.
مع العلم بان قانون السوق يمنع استخدام الوسطاء للموبايل اثناء التداول !!!! ولكن اعتقد ان وقت التداول الكل مشغول بنفسه والمراقبين في السوق قد يكونون مشغولين بما هو اهم من شغلهم في مراقبة ما ذا يجري في السوق ؟
مسكين المواطن ان راح سوق الاوراق المالية فالوسطاء كلهم من جنسيات اخرى يقدمون ابناء بلدهم عليه وهو ينتظر حتى يتكرمون عليه وينفذون طليه بعد ما طارت الفرصة .
وان راح المستشفى يدخل اخر واحد على الطبيب ؟؟؟؟؟؟؟؟؟؟؟؟؟؟؟؟؟؟؟؟؟
وان راح الى ………. !!!!!!! ؟؟؟؟؟؟
تعرفون ليش ؟؟؟؟ انا ما اعرف!!!!!!!!!!!!!!!!!!!
المشكلة هرميس يوم اتصل بهم لازم يخلوني عل الخط دقيقة وتروح علي الصفقة
الحل بكل بساطة في الانترنت
لانه راح تتساوي الامور للكبير والصغير.
والانترنت موجود……..مباشر
ليش تعور ارسك مع الوسطاء .
في وسطاء ما يعورون الراس التلفون ما يلحق يرن عندهم .
الشاهين
الهيرمس
والجديد كليا في السوق صار اقل من اسبوع Golden Gate في البناية مقابل فندق ستي سنتر مباشرة ماعندهم غير يمكن 200 مستثمر يدورون ناس وعندهم 24 خط وابشرك راح يفتحون خدمة الانترنت بعد العيد مباشرة .
في الحركة بركة.
الحل في الانترنت يا ناااااس
بيحان .. الله يخليك يوم تطرح موضوع خلك شوي منطقي مع بعض العقلانية … اولا فكرة موضوعك و هي التوطين شي موجود و حاصل و هناك مواطنين موجودين في المجال و نحن كذا مرة قلنا الموضوع ماله علاقة في الجنسية
الموضوع هو تفضيل الهوامير ..بس انك تقول يفضلونهم على مبالغ ضئيلة و مادري شو كلام مادري من يايبنه انته
صراحة كلام منطقيا مرفوض لأنه ربح البروكر هني اقل بواايد.
و في النهاية هم ايدورون ارباح اكثر فلا تيلس تطلع اشاعات على خلق الله .
و حتى لو حطو مواطنين .. نفس الحاله الهوامير بيتمون اهم منك ..و اذا حطو مواطنين الله يعينه على معارفه و اهله كثر ما بيطلبون منه يخلصلهم .
عشان جي الحل يا شاطر مب تتكلم على جنسيات الناس و تسوي مشاكل و تفرقة … الحل بكل بساطة زيادة الرقابة في السوق و تشديدها على البروكرز عشان يكون في ارضاء لجميع الاطراف.
السلام عليكم.
للاسف اخوي اعتقد انه الحل مو بالمواطنين اوغيرهم
الحل بفرض رقابة من السوق وحزم اكثر
هذا المثال اقوله من تجربتي مع الاسلامي للوساطة في اثنين مواطنين …….بس مافي اسوء منهم للاسف
الحين حولت حسابي لهيرمس وكلهم من مصر
بس والله الحق ينقال خدمتهم اسرع بخمسين مرة عن الاسلامي
واقل شي التيلفون على طول يردون عليك بالذات بعد مافتحو مركز الاتصال اللي في دبي
مو الاسلامي اللي في حياته مايردون على التيلفون