السلام عليكم ورحمة الله وبركاته ..
تحية طيبه وبعد ..
قوله تعالى : { ولا تبخسوا الناس أشياءهم ولا تفسدوا في الأرض بعد إصلاحها ذلكم خير لكم إن كنتم مؤمنين } .
صدق الله العظيم
البخس في لسان العرب هو النقص بالتعييب والتزهيد , أو المخادعة عن القيمة , أو الاحتيال في التزيد في الكيل أو النقصان منه . [ ص: 319 ]
———————-
إنما أذن الله سبحانه في الأموال بالأكل بالحق , والتعامل بالصدق , وطلب التجارة بذلك , فمتى خرج عن يد أحد شيء من ماله بعلمه لأخيه فقد أكل كل واحد منهما ما يرضي الله ويرتضيه ; وإن خرج شيء من ماله عن يده بغير علمه فلا يخلو أن يكون مما يتغابن الناس بمثله مما لا غنى عنه في ارتفاع الأسواق وانخفاضها عنه فإنه حلال جائز بغير خلاف ; إذ لا يمكن الاحتراز منه . وإن كان بأكثر من ذلك فقد اختلف الناس فيه ; فقال علماؤنا : إذا جرى ذلك في بيع كان صاحبه بالخيار إن شاء أمضاه بعد العلم به وإن شاء رده .
وقال بعضهم وآخرون غيرهم : إنه لا رد فيه .
اخواني خواتي القصد من هذا الكلام ..
انتو فاهمينه وعتقد ان كلام الله مب لعبه ولا بس حرمتو الخمر وقلتو خلاص اللي يشرب الخمر هذا كافر وووو ..
ترا بعد هذا كلام الله واللي بيبيع مثلا باقل من السوق ولا اعلى من السوق والطرفين راضين خلاص يقولك الرسول حلال .. وانتو كل واحد دخل وحرم على كيفه واللي يقول فلان يبيعه بارخص ولا علان يبيعه بارخص ياخي عندك شي احتفظ فيه لنفسك ..
اخواني يعني التاجر يروح ويركض ويدور ويسوي ويتعب عشان ايي واحد ويقول والله مب شي وهب شي ووو
اخواني هذا حررام شرعا ولا يجوز ..
الشي الثاني في قوانين في المنتدى وهذا القوانين اشوف اخواني الاعضاء ضاربين فيها بعرض الحائط ..
يعني ابدا ما شوف الا بين كل موضوع وموضوعين تبخيس تبخيس تبخيس
اللي يقول حصلته ارخص عند فلان في المنتدى واللي يقول حصلة في الصناعيه مال عيمان ارخص واللي يقول حصلته في السوق الصيني واللي يقول حصلته عند وحده روسيه تبيعه في سوق نايف واللي يقول حصلته في العبره يا جماعه ليش ( حصلته وحصليته ) ياخي عندك شي روح اشتريه
هذي قوانين المنتدى وتحذر من طرد العضو المبخس بس للاسف ما شوف للحين اي عضو انطر وهذا بس لان الادارة متساهله معاكم وتحبكم وتبالكم الخير وما ترضى في حد كلنا اخوان ..
2. تحذير وإنذار وإيقاف عضوية أو طرد أي مشترك في حال مخالفته لأي بند من القوانين الخاصة بالمنتدى، أو إذا أرتأت الإدارة طرده وحذف اشتراكه بدون إبداء الأسباب.
4. قيمة البضاعة تعتبر حق للعضو المعلن ..وليس من حق أي عضو أخر الدخول في المشاركة والتقليل من شأنها بطريقة غير لائقة، كما ننوه على ضرورة احترام الأعضاء لعروض الآخرين.
3. قيام أي شخص بالتشكيك في بضاعة الأعضاء بدون ان يشتريها او زرع الشك في نفوس الأعضاء ان هذي البضاعة لا تستحق هذي القيمة او انه سيتعرض لمحاولة نصب عن طريق الانترنت.
اخواني الاعضاء ما ابا شي بس ابا كل واحد يقول رايه في الموضوع هذا ..
اخوكم راك اس ال
لا ترد عالحساد لانهم وايد
أول انت مميز وفي كل مره تعرض شي مميز وكلامك مميز وأتمنالك التوفيج أخوك الجمري
يا حبيبي تعلم خل الزبون يرسلك المبلغ ومنها يستلم البضاعه
او انه يجي بنفسك وتسلمه البضاعه وتستلم المبلغ صدقني مافي غير جذي
والسبب ان حصلت معاي مرتين والمشكله ان الريال تحط على الرح يبرى بس يوم حزة الدفع يصير فلفل تحطه على الجرح يلتهب
خلها على الله
وتبا الصدق الحمدالله ها النوعيه ما صادفتني غير مرتين ..
الله يبعدهم .. عشان ما تكثر ذنوبهم بس
المفروض تتوقف عضويته اكيد وبدون اي مجامله
عجبني ردك .. لكن بالنسبه ان 3000 وهو ما يسوى 600 اسمحلي هذا الشي يرجع للشاري
انا مستعد اشتري سيارة مرسيدس اس ال ار مقلده في الصين مثلا وهي ما تسوى 10.000 درهم لانها من الفيبر قلاس وانا شريتها 100.000 اف درهم مثال ..
المهم اني انا راضي بالضاعه اللي شريتها ومن خاطري محد غصبني شيخي فهمت قصدي ..
اخوي مب غلط لو واحد طلب يشوف البضاعه طبعا الموضوع يرجع لصاحب الحلال هو اللي يحدد المكان والزمان لو كلامي عليه غبار قولي وانا راضي باللي تقوله شيخي
مثل ما قلتلك ان هذا كلام الله ورسوله لو المبلغ طالع من رضا الشاري فهذا حلال شرعا .. ولا يجوز تحريمه او التشكيك فيه
اخوك يوسف
كلامك صحيح 1000000 % يا اخوي يوســــف
وانا بزيد بعد اذنك شي ثاني وهو
بالفترة الاخيرة كثرة حالات عدم استلام البضاعه من شركات التوصيل
يعني يتصل لك واحد ويطلب موبايل او اي شي ويذبحك تلفونات 3 مرات قبل الاكل و 6 بعد الاكل
وتسير على شركة الشحن وترسل له البضاعه
وتطلع عين الشركه وهم يطلبوا منه يستلم البضاعه وهو ولا يعبرهم وتتصل فيه وما يرد عليك ويوم تتصل فيه من رقم ثاني خلال 0.0000001 من الثانيه يكون راد عليك واول ما تقوله انا طرشت لك الجهاز وبانتظار انك تستلمه اما يبند الخط في ويهك او انه يقولك مشغول او يطلع لك 1000 حجه . وبالاخر شركة التوصيل ترد لك الشحنه وتحسب لك مصاريف الارسال والارجاع يعني بدل ما تربح 50 درهم تخسر 60 درهم غير الوقت و تجميد راس المال