السلام عليكم ورحمة الله وبركاته ..
تحية طيبه وبعد ..
قوله تعالى : { ولا تبخسوا الناس أشياءهم ولا تفسدوا في الأرض بعد إصلاحها ذلكم خير لكم إن كنتم مؤمنين } .
صدق الله العظيم
البخس في لسان العرب هو النقص بالتعييب والتزهيد , أو المخادعة عن القيمة , أو الاحتيال في التزيد في الكيل أو النقصان منه . [ ص: 319 ]
———————-
إنما أذن الله سبحانه في الأموال بالأكل بالحق , والتعامل بالصدق , وطلب التجارة بذلك , فمتى خرج عن يد أحد شيء من ماله بعلمه لأخيه فقد أكل كل واحد منهما ما يرضي الله ويرتضيه ; وإن خرج شيء من ماله عن يده بغير علمه فلا يخلو أن يكون مما يتغابن الناس بمثله مما لا غنى عنه في ارتفاع الأسواق وانخفاضها عنه فإنه حلال جائز بغير خلاف ; إذ لا يمكن الاحتراز منه . وإن كان بأكثر من ذلك فقد اختلف الناس فيه ; فقال علماؤنا : إذا جرى ذلك في بيع كان صاحبه بالخيار إن شاء أمضاه بعد العلم به وإن شاء رده .
وقال بعضهم وآخرون غيرهم : إنه لا رد فيه .
اخواني خواتي القصد من هذا الكلام ..
انتو فاهمينه وعتقد ان كلام الله مب لعبه ولا بس حرمتو الخمر وقلتو خلاص اللي يشرب الخمر هذا كافر وووو ..
ترا بعد هذا كلام الله واللي بيبيع مثلا باقل من السوق ولا اعلى من السوق والطرفين راضين خلاص يقولك الرسول حلال .. وانتو كل واحد دخل وحرم على كيفه واللي يقول فلان يبيعه بارخص ولا علان يبيعه بارخص ياخي عندك شي احتفظ فيه لنفسك ..
اخواني يعني التاجر يروح ويركض ويدور ويسوي ويتعب عشان ايي واحد ويقول والله مب شي وهب شي ووو
اخواني هذا حررام شرعا ولا يجوز ..
الشي الثاني في قوانين في المنتدى وهذا القوانين اشوف اخواني الاعضاء ضاربين فيها بعرض الحائط ..
يعني ابدا ما شوف الا بين كل موضوع وموضوعين تبخيس تبخيس تبخيس
اللي يقول حصلته ارخص عند فلان في المنتدى واللي يقول حصلة في الصناعيه مال عيمان ارخص واللي يقول حصلته في السوق الصيني واللي يقول حصلته عند وحده روسيه تبيعه في سوق نايف واللي يقول حصلته في العبره يا جماعه ليش ( حصلته وحصليته ) ياخي عندك شي روح اشتريه
هذي قوانين المنتدى وتحذر من طرد العضو المبخس بس للاسف ما شوف للحين اي عضو انطر وهذا بس لان الادارة متساهله معاكم وتحبكم وتبالكم الخير وما ترضى في حد كلنا اخوان ..
2. تحذير وإنذار وإيقاف عضوية أو طرد أي مشترك في حال مخالفته لأي بند من القوانين الخاصة بالمنتدى، أو إذا أرتأت الإدارة طرده وحذف اشتراكه بدون إبداء الأسباب.
4. قيمة البضاعة تعتبر حق للعضو المعلن ..وليس من حق أي عضو أخر الدخول في المشاركة والتقليل من شأنها بطريقة غير لائقة، كما ننوه على ضرورة احترام الأعضاء لعروض الآخرين.
3. قيام أي شخص بالتشكيك في بضاعة الأعضاء بدون ان يشتريها او زرع الشك في نفوس الأعضاء ان هذي البضاعة لا تستحق هذي القيمة او انه سيتعرض لمحاولة نصب عن طريق الانترنت.
اخواني الاعضاء ما ابا شي بس ابا كل واحد يقول رايه في الموضوع هذا ..
اخوكم راك اس ال
بيــــــــــــض اللــــــــــه ويهــــــــــــك
الله يهـــدي الجميــع جزاكـــم الله خيــــرا
رايتك بيضا يا بويعقوب وانا لي رآي ف الموضووع ولكن برجعلكم بعدين لاني مشغول حاليا والسموحة
اتمنا ان الجميع يقرا هذا الموضوع
اخوي عزيزي ..
ادخل موقع ايبي الامريكي بتشوف بضايع معروضه مثال خلني اقولك بتحصل جهاز ينباع 1000 دولار جهاز مثال لاب توب ومب موجود غير في امريكا وانا يبته وبعته ب 2000 دولار ..
عزيزي هل انت بتحاسبني وبتقولين ليش تبيعه 2000 وهو معروض ب 1000 مثلا … ؟؟
انت تعرف كم كلف الشحن تعرف كم كلفت الجمارك تعرف كم كلفت رسوم النقل تعرف وتعرف وتعرف
طبعا لا انا اعرفها ولا انت اكيد البايع صاحب البضاعه ..
اخوي التعب ما يتثمن بثمن سبق وقلتلك روح وكالة الرنج وشوف الفرق بين اسعار امريكا واسعارنا تقدر تقول الوكيل حرامي .. ؟؟؟
اخوي كلامي نفس الكلام اللي انت تقصده 100% وليس عليه غبار ولا عشان هذا مواطن فقير يبا يسترزق .. ياخي مواطن ويبا يربح 1000 زياده حلال علا بطنه دام ان الطرفين راضين
لكن ايي واحد ويبخس في البضاعه ووووو واخر شي يخلي الواحد حتى يكره يعرض في المنتدى
شيخي يمكن هذا الشخص شرا البضاعه غاليه وانغش فيها اوكي هو ما ضرب الناس على ايدي وقاللهم تعالو اشتروووو ..
اخوي في رضا في الطرفين .. في رضى
اخوي تذكر قوله تعالى : { ولا تبخسوا الناس أشياءهم ولا تفسدوا في الأرض بعد إصلاحها ذلكم خير لكم إن كنتم مؤمنين } .
اخوي اخاف اتلكم عن نفسي حد يفهم الموضوع غلط ويقول هذا شايف نفسه لكن يا شيخي انا مستعد اشتري الوقت بفلوس لو ينباع شو رايك في كلامي .. بس للاسف حلم ..
بما معنى انا ادفع زياده وما اسال في سبيل ان اموري تمشي بسرعه واخلص ..
اخوي تبا الصدق انا ما حبيت اقول ها الشي واغلب الشباب ربعنا يعرفون ها الشي في المنتدى
شيخي انا اكلمك الحين وانا في الصين برجع الامارات باذن الله اليوم وبوصل باجر الفجر الجمعه تعرف شيخي لو اقولك كم انا صرفت من الفلوس اللي ما كان لها داعي بتقول حرام واكبر حرام بس لو انا احسب ها الفلوس واقول لو انا ما صرفتها ما كنت خلصت اموري بها السرعه وسلكت اموري بها السرعه وووو اللي اقصده شيخي الواحد يالس على النت وما عنده وقت يروح يشتري مستعد يدفع بشرط توصله البضاعه لعنده …
اما اللي يبا الرخيص ويبا يبا يبا يروح السوق ويتعب ويدور في الشمس شوي يعني ولا كارفور مكيف الحمدالله ..
خلها على الله
الحمدالله انا ما اتكلم عن نفسي بس مثل ما قلتلك انا شفت مهزله صايره في الموقع وللاسف فعلا مزعلتني
السلام عليكم …
جزاك الله خير على الموضوع بصراحه حطيت النقاط على الحروف وماقلت إلا الصدق .. واللي عنده ملاحظه على بضاعه يمكن ينتقد أو يعقب عليها على الخاص وليس على العام لكي ينبه أو ينور البائع يمكن يكون ماعده علم ..
وما أقول إلا أشكرك على موضوعك…