السلام عليكم ورحمة الله وبركاته ..
تحية طيبه وبعد ..
قوله تعالى : { ولا تبخسوا الناس أشياءهم ولا تفسدوا في الأرض بعد إصلاحها ذلكم خير لكم إن كنتم مؤمنين } .
صدق الله العظيم
البخس في لسان العرب هو النقص بالتعييب والتزهيد , أو المخادعة عن القيمة , أو الاحتيال في التزيد في الكيل أو النقصان منه . [ ص: 319 ]
———————-
إنما أذن الله سبحانه في الأموال بالأكل بالحق , والتعامل بالصدق , وطلب التجارة بذلك , فمتى خرج عن يد أحد شيء من ماله بعلمه لأخيه فقد أكل كل واحد منهما ما يرضي الله ويرتضيه ; وإن خرج شيء من ماله عن يده بغير علمه فلا يخلو أن يكون مما يتغابن الناس بمثله مما لا غنى عنه في ارتفاع الأسواق وانخفاضها عنه فإنه حلال جائز بغير خلاف ; إذ لا يمكن الاحتراز منه . وإن كان بأكثر من ذلك فقد اختلف الناس فيه ; فقال علماؤنا : إذا جرى ذلك في بيع كان صاحبه بالخيار إن شاء أمضاه بعد العلم به وإن شاء رده .
وقال بعضهم وآخرون غيرهم : إنه لا رد فيه .
اخواني خواتي القصد من هذا الكلام ..
انتو فاهمينه وعتقد ان كلام الله مب لعبه ولا بس حرمتو الخمر وقلتو خلاص اللي يشرب الخمر هذا كافر وووو ..
ترا بعد هذا كلام الله واللي بيبيع مثلا باقل من السوق ولا اعلى من السوق والطرفين راضين خلاص يقولك الرسول حلال .. وانتو كل واحد دخل وحرم على كيفه واللي يقول فلان يبيعه بارخص ولا علان يبيعه بارخص ياخي عندك شي احتفظ فيه لنفسك ..
اخواني يعني التاجر يروح ويركض ويدور ويسوي ويتعب عشان ايي واحد ويقول والله مب شي وهب شي ووو
اخواني هذا حررام شرعا ولا يجوز ..
الشي الثاني في قوانين في المنتدى وهذا القوانين اشوف اخواني الاعضاء ضاربين فيها بعرض الحائط ..
يعني ابدا ما شوف الا بين كل موضوع وموضوعين تبخيس تبخيس تبخيس
اللي يقول حصلته ارخص عند فلان في المنتدى واللي يقول حصلة في الصناعيه مال عيمان ارخص واللي يقول حصلته في السوق الصيني واللي يقول حصلته عند وحده روسيه تبيعه في سوق نايف واللي يقول حصلته في العبره يا جماعه ليش ( حصلته وحصليته ) ياخي عندك شي روح اشتريه
هذي قوانين المنتدى وتحذر من طرد العضو المبخس بس للاسف ما شوف للحين اي عضو انطر وهذا بس لان الادارة متساهله معاكم وتحبكم وتبالكم الخير وما ترضى في حد كلنا اخوان ..
2. تحذير وإنذار وإيقاف عضوية أو طرد أي مشترك في حال مخالفته لأي بند من القوانين الخاصة بالمنتدى، أو إذا أرتأت الإدارة طرده وحذف اشتراكه بدون إبداء الأسباب.
4. قيمة البضاعة تعتبر حق للعضو المعلن ..وليس من حق أي عضو أخر الدخول في المشاركة والتقليل من شأنها بطريقة غير لائقة، كما ننوه على ضرورة احترام الأعضاء لعروض الآخرين.
3. قيام أي شخص بالتشكيك في بضاعة الأعضاء بدون ان يشتريها او زرع الشك في نفوس الأعضاء ان هذي البضاعة لا تستحق هذي القيمة او انه سيتعرض لمحاولة نصب عن طريق الانترنت.
اخواني الاعضاء ما ابا شي بس ابا كل واحد يقول رايه في الموضوع هذا ..
اخوكم راك اس ال
أنا رايي بقوله وأنا مغمض عيوني …
هالشي موجود 100 % في المنتدى كل واحد
يدخل ويقلل من شان الثاني أي بمعنى ( فلسفه )
يعني مايسوى ، والله المكان الفلاني أرخص ، ووووو
في شي اسمه مكاسر يعني خاطرك في السلعة ياخي
بأسلوب ذرب وبطريقة حلوه يالطيب خاطري فالسلعه
ممكن تنزل من جيمة السلعة إذا في مجال ترا بينزل
وإذا لأ بيخبرك سعره النهائي ….
أو على الخاص تقدر تكلمه بكلمة راس وتحاول تقنعه بتخفيض السعر …
والسمـــــوحه من الجميـــــــــــــع …
ما عليك زود وما عليك ترى النوخذه هذا اخونا وما كان يقصد شي ..
وكلنا اخوان وربع يليت المشاركات كلها تنحذف ونرجع لموضوع حديثنا بدون تحديد اي شخص او اي اسم ..
أخوي .. انت على عيني وعلى راسي من فوووووووووق ..
لكن استرجاع مواضيع قديمة والنبش فيها غير محبب ، ولو كل واحد ياب رابط ويحب يناقشه جان صار موضوع الأخ RAK_SL مقر مافيا ..
انا فقط حذفت الرابط .. واذا تريد فعلا تناقش الموضوع بفاعلية أكثر ، دخيلك لا تحدد أسماء أعضاء وتحطهم عالعام .. لأنك في هالحالة اهنته في غيابه .. المفروض انك تعمم على في ردووودك بدون ذكر اسماء اعضاء ((الله يستر عليهم)) ..واللي فات مات ..
واسمحلي اذا غلطت عليك ..
اقسم بالله اني انا مستغرب
265 زائر للموضوع ومافي غير كم رد ينعدون على الاصابع لا والردود فيها زوبعه بعد ..
ما يصير الساكت عن الحق شيطان اخرس ولا شو رايكم
لو واحد عارض شي نادر للبيع ومب موجود في السوق بسعر 10 ريال بتاكلونه اكل
اسف بس مجرد تعليق ههههه
السلام عليكم
الجماعة قصدهم في الموضوع انه ما احد يتفلسف في اي مداخلة على صاحب الموضوع
يعتني الي يحب يشتري بالسعر الي عارضنه صاحب الموضوع حياه الله و الي يحب يدور على سعر ارخص هو و شطارته كمان و اكيد حيلاقي
يعني ما يصير اروح على كارفور و اوقف عند قسم الخضروات و اكبت على الطماطم انه سعرها بي اللولو او بالسوق المركزي ارخص ( طبعا ما يصير)
و كمان بالسنبة للموضوع ما يصير اجي اقول اني شفت نفس السلعة بنص السعر مكان ثاني
و السموحة و ما يصير اضع بنفس الموضوع عنوان و اسم هذا المكان الثاني ( هذا ليس من اداب المنتدى )
الي عاجبه يشتري بالسعر الموجود حياه الله و البائع ما عليه شي لانه الشغلة بالاتفاق
جزاك الله خيرا كفيت ووفيت
كلامك ذهب ما كان له داعي ان نحن نفتح نقاشات ثانيه نحنا هنا للتوعيه بس واللي ما يبا يشتري لا يشتري يروح السوق يدور لو حصل .. ولو ما حصل براحته يدور شي ثاني يشتريه
اخواني نحنا ما ضربنا حد وقلناله تعال اشتر .. كفايه يبنا غسالات اقل عن سعر الوكيل واصليه يبنا تلفزيونات اقل من سعر الوكيل واصليه يبنا ثلاجات اقل من سعر الوكيل واصليه ومحد عيبه شو تبون نقطع عمارنا مثلا … ؟؟