كل عضو جديد يتفضل للتعريف عن حاله

577 thoughts on “كل عضو جديد يتفضل للتعريف عن حاله”

1. السلام على جميع الأخوة و الأخوات

   تأخرت شوي في الدخول لكن لنا شرف معرفة الوجوه الطيبة في هذا المنتدى

   أخوكم عبدالواحد

   مدير مبيعات و تسويق في شركة من شركات الامارات الحبيبة

   سعيد بتواجدي بينكم

2. انا عندي دكتوراه و ماجستير و بكلريوس و…………
   في الشطانه و انا في مدرسة المشاغبين خبره اذا حد يباني اساعده حاضرين من عيوني.هههههههههه
   اسولف والله انا مستثمر صغير توني بادي.

3. مرحبا بالجميع

   أنا أبويه و الفخر زايد و أمي هي إماراتي

   أنا بنت زايد من دبي
   ان شا الله هالسنه بكون خريجة تجارة ألكترونيه و هالسنه شوي غيرو في اسم التخصص سموه e-business Management
   و توني من 3 شهور دخلت السوق لمستثمره صغيره
   و طموحي أني أكمل دراستي
   و أكيد أني أتوظف في شركه من الشركات الكبيره في دبي مثل اعمار

   تحياتي للجميع

4. السلام عليكم ورحمة الله وبركاته

   هذا اول تواجد لي في المنتدى وطبعاً بعد عناء طويل قدرت اشارك في المنتدى المهم ان شاء استفيد في هذا المنتدى اللي الصراحة استفدت منه الكثير عندما كنت زائر وهذا الشي اللي خلاني اسجل واكون عضو وانشاء الله اكون عضو فعال معاكم افيدكم قبل ما استفيد منكم …

5. شكرا اخوي الغيث
   اياد
   المملكة العربية السعودية
   29 سنه
   المهنة : رجل أمن (بس مو شاويش فوق كم حبه)
   المؤهل العلمي :ما جستير علوم امنيه
   البرج :دقها ولحقها
   الهوايه:جمع الطوابع ؟؟؟ والسباح في المسابح الفارغه
   نوع السياره :ما ابغى اقولكم اخاف تعطوني عين ؟؟؟؟ لانها الآن تستخدم في السباقات فقط من زينها
   اي ستفسار في مجال الامن ترانا مستعدين والايميل موجود

Comments are closed.