كـل عضــو يخبــرنــا كيـف تعــرف على :: منتـدى الإمـارات للأوراق المـاليـهـ ::

36 thoughts on “كـل عضــو يخبــرنــا كيـف تعــرف على :: منتـدى الإمـارات للأوراق المـاليـهـ ::”

1. انا عرفته عن طريق اخواني الكبار يوم ايلس وياهم يطرونه وايد ويطرون ربعهم المشتركين فلان وفلان وفلان في منتدى الاسهم وايامها كان ابوي يضغط علي اشتري اسهم عسب اوفر او استثمر فلوسي ومن هالكلام ونا ما اقتنع الين افهم السالفة بكبرها فاقترحوا علي اخواني اني ادخل المنتدى

   كنت زائرة فيه لمدة سنة وزيادة وعيبني وايد ومن ثم اشتركتاا فيهوو

   اخوي العود الحين يوم يسلم علي يقولي هااا شحااالج سارية ههههه

   عاد انا اطالعه بنظرة اقوله لا تستهبل وياي في المنتدى ! ههههه

2. السلام عليكم ورحمه الله وبركاته

   انا اعرف المنتدى من سنه 2005

   دخلت المنتدى لقرائه مواضيع الاسهم وثم استخدمت الموقع لبيع سياره لاحد الاصدقاء وفعلا انباعت من خلال هذا لموقع الرائع …

   

   اول عضو في المنتدى هو uaesm1

   

   هذي عضويتي اول ما سجلت وكنت اسوي مشاكل لوووول

   

   ملكيه المنتدى تغيرت اكثر من مره … كان لاحد الاشخاص ثم انباع لمكتوب وثم انباع لياهو

   تحياتي للجميع

3. السيف تبادل برقم العضويه ؟؟؟

   اذا بغيت اخذ رقم عضويه فنان شو اسوي ؟؟

   انا عرفته من قوقل

   وكنت من الزوار الحين مشترك

4. أنـــا ببــدي وبخبــركمـ كيــف تعــرفـت على المنتـــدى ..

   كنــت دومي أدخــل Google وأدور عن الأرقــــامـ .. وكـل يـومـ يظهرلي هالمنتــدى ..

   وبديـــت أدخــل قســمـ الأرقــامـ بشكـل يومي .. لين ما خليتــهـ مسيف في الـ Favorites ..

   ومع الأيـــامـ أشتــركـت وأستويــت عضـــو

   للعــلمـ :: هـــذا أول منتــدى أتعـلق فيــهـ وأشتــركـ فيـهـ ..

   لأني ماكنـت أحـب شي إسمـهـ منتــدى ..

5. السلام عليكم..

   موضوع حلو أخوي السيف

   عرفته عن طريق آخوي كان مسجل فيه حق التجاره ..ونا دخلته وتصفحته وعيبني الموقع ع قولتهم بتآع كله خخخخ بس كانت عندي مشكله بالتسجيل بس الله يخلي إيميل الكليه لين عقب الله يعين

   تحيآتي لك

Comments are closed.