كذبوا و قالوا ………. تنزيلات

اليوم صار لي موقف رفع ضغطي . و بكل صراحه سالفة التنزيلات هاذي صارت ضحك على الناس عيني عينك . خاصة في سالفة الملابس. اكيد الكل لاحظ هالشي فالمراكز و المولات من تدش تشوف اللوحات اكبر من المحل و كلها تنزيلات

قبل اسبوعين كنت في لندن و اشتريت ثياب اطفال ماركة pumpkin patch كهدية . المهم رجعت للبلاد . عقب يومين الا العيوز تكلمني تقول لي اذا اقدر اخذلها مثل هالثياب تبغيهن هدية لناس. قلت لها فالج طيب. دخلت موقعهم عالنت و اخترت الثياب على اساس اطلبهن لكن للاسف قالوا لي ما عندهم خدمة الشحن. قالوا لي سير فروعنا عندكم بتلقى منهن. و مسوين تنزيلات. قلت انا اكيد مادام الدولة مافيها نظام الضرائب بتكون ارخص. سرت فرعهم في ابوظبي. لاحظت شيئين. اول شي اسعارهم لا فيها تخفيض ولا شي مع العلم انهم مسوين تنزيلات. يعني حتى سعر بريطانيا ارخص و مرات السعر هني دبل هناك.
الشي الثاني نوعية البضاعة رديئة بالمره. يعني نفس الشكل لاكن النوعية مول مب شي اللهم الالوان تتشابه . ومب كل الموديلات والقياسات عندهم يمكن 3 ولا 4 اشكال بس. سرت و خذت عن خاطر العيوز ويبتهن البيت و قارنتهن بالثياب الي من برع. الصراحه مافي وجه مقارنه من ناحية النوعية. الي من لندن ماعليه كلام و ارخص. طبعن يمكن تقولون ابالغ . مثل ما يقولون النظرة خير من ألف كلمة. هذا الموقع و شوفوا. و سيروا فرعهم و شوفوا

Get the latest clothing sales here – Pumpkin Patch

وسلموا لي على جمعية حماية المستهلك

والسموحة منكم