السلام عليكم
اخواني اريد اخذ موتر يديد وكالة هب مستعمل
وياليت تنصحوني
انا ابا استخدمه
من الجامعه للبيت ومن البيت للجامعة
ومشاوير خفيفه
حاط في بالي كامري ولا اوريون
وابا اخذ 2010
فياليت تنصحوني شو الافضل بينهن
ما ابا اخذ موتر غير يعني لانسر ولا كابرس ولا تيدا ولا مكسيما ولا التيما
حاط في بالي هالموترين
فياليت الي عنده خلفيه لاسعار الكامري والاوريون رقم 1 و 2 يخبرني
ويقولي شو الافضل بينهن
انا ملاحظ ما في فرق الا المكينة
الكامري 4 والاوريون 6
وشو الافضل البهوان ولا الفطيم ؟
انصحك بالافلون
سياره فنانه وسعرها تقريبا نفس الاوريون
وسياره مريحه وفخمه
وخذها من بهوان
اعتقد 2010 وصلت عندهم
موفق بإذن الله … لك مني أجمل تحية .
كلام اختي صح 100/100
بدون تردد ولا تفكير أوريون وخل عنك الكامري يكفيك أنها 6 سلندر هدوء وإنطلاقه
بس عليك تدخل على الجوجل وأكتب عيوب الأوريون وبعدها قرر أي سيارة تاخذ
وأنتبه لاتنسى صلاة الإستخارة وربي يوفقك
بسوي لك مقارنه وأنته تختار
الكامري
بديها تعبان …. الخشب صوب القير يطلع صوت … مشيها حلوووووو بس القومه تعبانه تسمع صوت حنة السيارة وايد .. صرفية السيارة وايد بسبب المكينة ماتسحب البدي مافيها عزم بذات من تحولة المكاين إلى VVTI والصرفيه وايد … الموتر وايد يلعب او يناقص تقول منزل في فيها عيب في الجامبينات …….. لاكن في النهاية كامري حق مكده وسعرها وقت البيع اوكي
الأوريون …. مكينه قوية .. اما باقي الأشاء نفس الكامري بضبط … من داخل شكلها كامري بضبط الشكل الخارجي يفرق .. العيوب إلي في الكامري موجودة في الأوريون ماعادى عزم او قوة المكينة … شاشة الكامري شكلها غلط أحس انهم مركبينها في جبل علي لونها اسود والكفر على الطرف سلفر
نصيحه بقيمتهم تقدر تاخذ لكزس 2004 او 2005 من الفئة LS430 موتر فخم ومريح وهادء ومافيه عيوب ولا اعطال
في النهاية الرأي الأول والأخير لك ……. أتمنى انك استفدت من شرحي