السلام عليكم ورحمة الله وبركاته
حياكم الله
عندي كابريس رويال 2008 كامل المواصفات ما عدا الفتحة فقط لا غير
3 شاشات و التحكم الخلفي بالمسجل والمكيف وامكانية فصل السماعات الخلفية عن الامامية وكثير من مواصفات الرويال … التواير يداد و مركب له جناح الاس اس وكالة
الموتر ذهبي ومن داخل بيج … نظيف جدا وماشي 97 الف
انا مشترنه من واحد من شهرين ولاني مب متعود ع الصالون ما ارتحت للموتر
طالب فيه 60 الف وارخص من سعر السوق وتقدرون تتأكدون شوفو اسعارها ب 75 الف وانا اصلا ماخذنه ب 70 وخسران فيه 10 آلاف بس الحاجة وما تسوي لاني محصل الموتر اللي اباه واخاف ينباع عني فأبا أبيع بأسرع وقت اللي له رغبه يشوف الموتر انا حاضر الموتر ف راس الخيمة وان كان بعيد ممكن اقرب له لين نص المسافة وما بتعنى الا لاني محتاي ابيع
للتواصل : 0508222162 واذا مار رديت طرشوا مسج
اتمنى من اهل الخير اللي ماله رغبة يشتري يشوف ربعه و جماعته لاني فعلا محتاي الكاش
موفق بإذن الله … لك مني أجمل تحية .
والله تبا الصدق حلو شكله ما شاء الله
وانا عن نفسي ادور سياره لكن والله مب حاط في بالي ادفع مبلغ كبير مثل هذا
والله يوفقك ان شاء الله ببيعه حلوه وتشتري السياره اللي تباها =)
بالتوفيق ان شاء الله
موفق بإذن الله … لك مني أجمل تحية .
اخوي الرويال افخم من ss والا العكس؟؟
وبخصوص الموتر من الداخل جلد والا مخمل؟
وفيه نفجيشن؟