و انا ادور بين هالقنوات شفت قنوات غريبة لفتت انتباهي باسم زواج و زفاف و غيرها و هالقنوات عبارة عن رسايل بمواصفات معينة من رجل او امراة و حاطين انهم وفقوا بين هالعدد من الناس
و الغريب ان الاغلبية العظمى يبون زواج مسيار!!!!
و الاغرب ان الاغلبية العظمى هم سعوديين او مقيمين في السعودية مع احترامي للشعب السعودي!!!
والاغرب ايضا مواصفاتهم ثرية جميلة و عندها بيت يعني عيني عينك زواج مصلحة
مع ان ظاهرة زواج المسيار منتشرة بكثرة في السعودية حسب ما سمعت
و لكن ان تظهر قنوات تشجع على ذلك فهذه هي طامة كبرى
و الطامة الاكبر اذا كانت قنوات سعودية !
ما ادري هل هي قنوات سعودية ولكن ما اعتقد علماء الدين في السعودية يرضون بهالشي
تخيلو لو زواج المسيار في اليابان جان ما اخترعو شي ……
بس بيفكرون في ها الامور ……اللي مالها معنى
بذمتك يا اخوي لما يتبادر الى ذهنك زواج مسيار شو اول شي بيي على بالك؟؟؟
اتوقع اغلب الناس يسيئون استخدام زواج المسيار و ماخذينه لعب و مصلحة مثل اللي شفته على التلفزيون من مسجات
اذا هي وحدة مب محتاجة و تنازلت عن حقوقها من مسكن و و نفقة ممكن نبلعها بس اذا فيها حرمان من الامومة و ما في اشهار و الرجل غير موجود في البيت بالايام اسمحلي هذا صار زواج مصلحة ومتعة ومثل ما قال الشيخ بن باز يصير زواج غير شرعي وما منه فايدة ……
يا اخوي انا معارضة لاي زواج غير الزواج الشرعي
انزين اوكي كلامش صح. انتي اتقول انش معارضة لاي زواج غير شرعي. انزين زواج المسيار شرعي تراه الا اذا خالف الشروط. واصلا اذا خالف الشروط ما صار مسيار اصلا. انا هذا قصدي: ومثل ما قلت هو زواج شرعي 100% تتنازل فيه المرأة عن حقها في النفقة.
اللهم ارنا الحق حقا وارزقنا اتباعه وارنا الباطل باطلا وارزقنا اجتنابه.
كلام ما يخالفج فيه عاقل 100%