و انا ادور بين هالقنوات شفت قنوات غريبة لفتت انتباهي باسم زواج و زفاف و غيرها و هالقنوات عبارة عن رسايل بمواصفات معينة من رجل او امراة و حاطين انهم وفقوا بين هالعدد من الناس
و الغريب ان الاغلبية العظمى يبون زواج مسيار!!!!
و الاغرب ان الاغلبية العظمى هم سعوديين او مقيمين في السعودية مع احترامي للشعب السعودي!!!
والاغرب ايضا مواصفاتهم ثرية جميلة و عندها بيت يعني عيني عينك زواج مصلحة
مع ان ظاهرة زواج المسيار منتشرة بكثرة في السعودية حسب ما سمعت
و لكن ان تظهر قنوات تشجع على ذلك فهذه هي طامة كبرى
و الطامة الاكبر اذا كانت قنوات سعودية !
ما ادري هل هي قنوات سعودية ولكن ما اعتقد علماء الدين في السعودية يرضون بهالشي
يا اخوي بورصة بوظبي انا ما اشوف التلفزيون وايد و اذا شفت عندي قنوات معينة اتابعها مثل الراي و قنواتنا و قنوات ال mbc ولكن اليوم تفاجئت وانا ادور بين القنوات لوجود اكثر من قناة للزواج و يلست اقرا المسجات و يا مكثر القنوات السخيفة اللي شفتها……
كفاية قنوات الدجل و السحر و الشعوذة و الحين طالعين لنا بقنوات زواج المسيار
اعتقد هذا كله دعايات علشان يطرشون مسجات بفلوس
والله وانا لاخظة هذا الشي قريب
والله المستعان اونه بالحركه هذي يقللون العنوسه ما يدرون انه يفتح باب نحن في غنى عنه
لج تحياتي على الطرح والله المستعان
فكرة القنوات طيبة لكن للأسف أشوفها تنحرف عن أهدافها وتساعد على التعارف والزواج المسيار
بشكل واضح مثل ما تفضلتي
واعتقد بأن هذا الاتجاه تدير عليهم بعوائد مالية جيده خلتهم بدال القناة قنوات
وبدال الموقع مواقع
والله يستر منها
ملاحظة بسيطة : لا ينبغي أن نقول رجال الدين والافضل والاصح أن نقول علماء المسلمين
لأن رجال الدين ترمز إلى المسيحيين فلنكن مميزيين عنهم .. ^_^
وشكراً مره ثانيه
الحلال بين والحرام بين اختي في كثير من الناس تحلل الدين في سبيل اشباع الشهوه