و انا ادور بين هالقنوات شفت قنوات غريبة لفتت انتباهي باسم زواج و زفاف و غيرها و هالقنوات عبارة عن رسايل بمواصفات معينة من رجل او امراة و حاطين انهم وفقوا بين هالعدد من الناس
و الغريب ان الاغلبية العظمى يبون زواج مسيار!!!!
و الاغرب ان الاغلبية العظمى هم سعوديين او مقيمين في السعودية مع احترامي للشعب السعودي!!!
والاغرب ايضا مواصفاتهم ثرية جميلة و عندها بيت يعني عيني عينك زواج مصلحة
مع ان ظاهرة زواج المسيار منتشرة بكثرة في السعودية حسب ما سمعت
و لكن ان تظهر قنوات تشجع على ذلك فهذه هي طامة كبرى
و الطامة الاكبر اذا كانت قنوات سعودية !
ما ادري هل هي قنوات سعودية ولكن ما اعتقد علماء الدين في السعودية يرضون بهالشي
يا جماعة الخير اذكرو الله
الحلال بين والحرام بين…….انزين تراه زواج المسيار حلال لأنه لا يخل بأي من بنود العقد الإسلامي الصحيح.
وبعدين مب قضية الرجال يؤيدون عشان هم مستفيدين………….الناس يالسة اتوضح انه حلال ولاحرام
هو زواج صحيح تتنازل فيه المرأة عن حقها في النفقة اذا كان ذلك للصالح العام.
طبعا بنت شابة توها رشدت وعايشة عند ابوها وامها ويالسة مثلا اتكمل دراستها بالجامعة ما ينفع لها……………لأنها ما وقفت على ريولها وتحتاج رجل ينفق عليها ويحميها و و و و و ………..
أما حرمة مثلا مطلقة عندها خير وساكنة ببيت أهلها…………عند ابوها مثلا وامها متوفية وما اتريد تترك ابوها وهي اصلا ما محتاجة فلوس وبنفس الوقت اتريد تستر عمرها…………شوفيها اذا تزوجت مسيار واللي يقول ما ارضى لاختي او حد من اهلي وهيه بهذه الحاله بصراحة ما عنده سالفة
كل شي يصلح لشي
يمكن هذا الزواج يكون مناسب ويمكن احيانا يكون غير مناسب
يعني انت ما بترضى اتزوج اختك اللي عمرها 23 سنة ويالسة تدرس بالجامعة ومحتاجه رعاية وسكن ونفقة واشياء وايدة زواج مسيار
بس المفروض ترضى اذا كان وضع اختك مثل ما ذكرت فوق
شغلو مخوخكم شوي وذكرو الله.
اقرؤوا هذا الرابط
ظ…ظˆظ‚ط¹ ط§ظ„ط¥ط³ظ„ط§ظ… ط³ط¤ط§ظ„ ظˆط¬ظˆط§ط¨ – ط*ظƒظ… ط²ظˆط§ط¬ ط§ظ„ظ…ط³ظٹط§ط± طŒ ظˆط£ط¬ط± طµط¨ط± ط§ظ„ط²ظˆط¬ط© ط¹ظ„ظ‰ ظƒط«ط±ط© ط²ظˆط§ط¬ ط²ظˆط¬ظ‡ط§
تفسيره ان هالزواج بالنسبة للرجل خاصة و للمراة هي للمتعة
مب غريبة اشوف كل هالتأييد لزواج المسيار من الرجال لان هالشي من مصلحتهم اصلا ان تتنازل المراة عن حقوقها و هم المستفيد الاكبر من زواج المسيار يعني ياخذها ببلاش
اونهم يعني مسوين عمارهم الابطال اللي بيحلون مشكلة العنوسة و هم في النهاية يدورون على المتعة من هالزيجات وهذا هو هدفه الاساسي
الغلطة مب غلطة الرجل و انما غلطة المراة اللي ترضى لنفسها بهالشي و بان تكون لغرض المتعة و تتنازل عن حقوقها الشرعية
و الرجل اللي يحترم المراة ما يحط لها شروط وياخذها مسيار و يستغل ضعفها و حاجتها
مادري منو هذا اللي يرضى على امه و اخته و الا وحدة من اهله بزواج المسيار
نسبة العنوسه في ازدياد مطرد ، عدد حالات الطلاق في ارتفاع صاروخي … حتى الشباب قام يأخر زواجه لسن متأخره … تدروا ان في السعوديه حوالي 2.5 مليون عانس غير عن المطلقات والارامل …. وتدروا ان يتوقع ان يصل في عام 2010 الى 5 مليون عدد الفتيات الاتي تاخرن عن الزواج ، فلا تنصدم اذا سمعت عن كل ما يدور حواليك من بلاوي ومصائب ، اعتقد ان زواج المسيار نوع من انواع الحلول … وان لم يكن حل فهو مسكن على الاقل.
اهلا وسهلا أولا ماهي أركان الزواج وهل هي تتوفر في زواج المسيار واذا كانت متوفره في هذا الزواج فما هي المشكله ولا تتكلمون بمجرد أهواء ورغبات وشكرا