السلام عليكم
الموضوع
ابا احجز غرفة في فندق شانجرلا دبي شارع الشيخ زايد
المهم دخلت على موقع ابا احجز منة
عبيت الطلب
شوف القهر شو مكتوب للجنسية الاوربية فقط ليش نحن المواطنين حيوانات عشان مانسكن و لا شو السالفة
نحن ندفع فلوس يوم نسكن اكثر عن الاوربي برج العرب يسكنونة ب 1000 درهم ونحن ندفع 3000
شو الحل فيهم هذةاخرتها نطرد من الفنادق
في مصر المصري يسكن الفندق الخمس نجوم ب 30 جنية والسايح ب 400 دولار
معلومات زياده بس حبيت أشاركها دامني شوي متخصص في هالمجال… الأجانب يدفعون اللي يون من الخارج… ماعليك أ.يد من هل البلاد… بس تعرف منو يدفع؟ الشركات اللي يطرشونهم البلاد… كل شي بلاش عندهم هالأجانب…
هم ليش يتجنبون المواطن… أنا بخبرك ليش…بخبرك كيف أستراتيجية الفندق شغاله… يوم الشخص يسوي رزرفيجن هم يفكرون كم أقصى أستفاده يقدرون يستفيدون من هالشخص.. مثلا… الاجنبي يا من برطانيا… دخل برج العرب حجز الغرفه… شو بعدين؟ يستفيدون منه يوم يستخدم من المني بار… يوم ييلس في كافيه الفندق… يوم يوم يتعشى… يوم يعزم ربعه بالغرفه ويطلبله شرب أو أكل…. وتصدق أنه مثلا لو تم ثلاث أيام سعر أكله وشربه وكامل أستخداماته لمرافق الفندق عادة تفوق سعر الحجز نفسه… بالنسبه للمواطن طبعا هل البلاد… تعرفون نحن شو أنسوي… مب الكل… لكن ساعات… مثلا أنا شو أسوي بكل صراحه يوم أسير الفندق… أنا من دبي وأسكن بشنقريلا ساعات… أسير المحظه ورا الشنقريلا ,اشتري ماي عصاير وحلويات ومكسرات أدحشها بالثلاجه اللي بالغرفه…. ساعات أخذ أشياء من الغرفه بس نادر… المطعم… عاد ليش أتعشى بالفندق… دبي داري أدلها عدل بطلع بسير مول الأمارات بحوط وهالسوالف… يعني الغرفه بس أشبه بالترانزيت… أسبح وأطلع وجذي لين الجيك آوت… وبالأخير ما ادفع الا سعر الغرفه ويمكن غرشة ماي… الاجنبي ييلس بالحوض اتشوفه بعد يطلب سوالف…. ياخذ لاندري وجدي…
أنو تعرفون ان للفندق عندهم شعب أفضليه وأقل أفضليه بالحجوزات… أوضح أكثر
مثلا الروس أييون في أول القائمه لانهم دفيعه ويستخدمون كل المرافق يسوون حفلات وعادي يخسرون عمارهم بذخين…
الصينيين مادري اليابانيين….. معروف عندهم بالغرفه ماياخذون منه ولا شي …. أقصى شي ياخذون التفاح اللي بالطاوله وأصلا ها بلاش…
مع هذا أنا مع أن المواطن لازم يكون له هيبه وأحقيه… بس شو بتسوي لاحول ولا قوه… شوفو أسعار الغرف خياليه…
ياسعيد ياعزيزي أنته المفروض تدخل الموقع الرئيسي للفندق للحجز… الموقع اللي أنته دخلته هو موقع أجنبي… يعني تحصله موقع أوروبي أو شي من هالقبيل. تعذرهم. يعني أنته مابتدق تيلفزن لمكتب في لندن عشان تحجز غرفه في دبي… فهمت الموضوع الغالي ولا تزعل
هذا هو رابط فندق شنقريلا دبي لبمياشر للحجز
http://www.shangri-la.com/en/propert…ckavailability
أتمنى وضحت الصوره… أنا وياكم في أن المواطن حقوقه ضايعه مافي خلاف… لكن في حالت سعيد هاي يتوجب مني أصلاح الخطأ اللي وقع فيه سعيد
والسموحة
هذا قل قدر للمواطن
قناص دبي
الحية هب اني اتصل فيهم واحجز هذة الحركة هب مقبولة في بلادك عنبوة ليش مايخلونك تسكن
ليش نحن نسكن بلاش
انا لو ابا احجز بسكن غصبن عنهم بتيلفون واحد بحجز وبسكن وبخصم
بس هذة الحركة هب حلوة موووووووول
ALAIN1001
واذا فية طلبات زيادة هذا هب حركة يقولك للأوربين فقط
انا حطيت الجنسية بريطانية فتحت الصفحة عندي وفية حجوزات عادي
قوافي
هذا هب نصب هذة يسمونها واسف على التعبير قلة ادب
الأماراتي -العقارية
خلك طبيعي شكلنا بنشوف ازيد عن كذية