إخواني و أخواتي في المنتدى
السلام عليكم و رحمة الله و بركاته…
دخلت المنتدى و السوق من فترة بسيطة و خسرت طبعا مثل الجميع و لكني سعدت بالتشرف بمعرفة بعض الأعضاء من خلال المواضيع و المشاركات و خصوصا في موضوع التداولات اليومية.
و اليوم خطر على بالي أن اكتب قصيدة غير موزونة قصدت فيها الدعابة و لا اكثر….
قصتي مع السوق ماهي خيال……………… و لا هي حكاية من ألف ليلة وليلة
و ماني لوحدي تراني شرات ربعي ………..و تعرفون انه المرء على دين خليله
هذا دخل عسب يغتني بشهر……………….. و ذاك دخل يدور لراسماله تدبيلة
و هذه دخلت تشتري لها مرشالاقو………… و إلا مرسيدس من اي إم جي تعديله
وذيك باعت موترها ب رخص……………. و اليوم تدور لها بالتكسي توصيلة
و ذاك باع اللي فوقه و تحته ………………..و حط شقى عمره و الحيلة و الفتيلة
و ذولا اشتروا ع مكشوف ب غالي……….. وذا رهن الدار و استلف تكميله
و مثلهم ميات و غيرهم ألوف ……………….من أصحاب اللحى أو الشعور الطويلة
ودخلنا سوق متين ماله مثيل ………………..ابن كاظم رئيسه و سهم العبار دليله
هذا فيه هامور و حيتان هذولا ………………و ذولاك دببة و ثيران و فيلة
سهم ابن مقبل لهم ما هو بكافي…………….. الا يبون مقبل و بو مقبل و عشرة مقابيله
شرينا منهم بغالي و ببلاش بيشرونا………. أفا يا سوقنا…. أحشفا و سوء كيلة
قوم المنتدى خسايرهم عجايب ………………من صفا الحب للمصرية الأصيلة
و مهند ضاع نص راسماله و لكن ………….ان ارتفع سهم اركان اسمع تطبيله
و بوشهاب عق شهاداته و علمه …………….و اشتغل بالزيتون و فكر بالبليلة
و تنتفت شنبات الجمبري و انخرط …………واليوم ماعاد ينعرف راسه من ذيله
أما سهمي الدب فغرقني خساير…………….. أفا ياسهمي طلعت و الله فشيلة
في الطلوع الأسهم كأنها بورشات …………..و انت في طلوعك كأنك تريلة
وحورية البورصة تشخبط و لا تلخبط ………بع و اشتر بالسهم ان هي عطتك تحليله
عسى ربي يعوضكم بالأسهم و يرزقني …….من بنات الحور ثنتين و سبعين حليلة
والصلاة و السلام على محمد كثر الأسهم …….و كثر ماشال هامور من تحت شيلة
و ياعسى ربي يجمعنا على حوضه ………….و ياعسى عيني و عينكم تغدي به كحيلة
و ماني لوحدي تراني شرات ربعي ………..و تعرفون انه المرء على دين خليله
هذا دخل عسب يغتني بشهر……………….. و ذاك دخل يدور لراسماله تدبيلة
و هذه دخلت تشتري لها مرشالاقو………… و إلا مرسيدس من اي إم جي تعديله
وذيك باعت موترها ب رخص……………. و اليوم تدور لها بالتكسي توصيلة
و ذاك باع اللي فوقه و تحته ………………..و حط شقى عمره و الحيلة و الفتيلة
و ذولا اشتروا ع مكشوف ب غالي……….. وذا رهن الدار و استلف تكميله
و مثلهم ميات و غيرهم ألوف ……………….من أصحاب اللحى أو الشعور الطويلة
ودخلنا سوق متين ماله مثيل ………………..ابن كاظم رئيسه و سهم العبار دليله
هذا فيه هامور و حيتان هذولا ………………و ذولاك دببة و ثيران و فيلة
سهم ابن مقبل لهم ما هو بكافي…………….. الا يبون مقبل و بو مقبل و عشرة مقابيله
شرينا منهم بغالي و ببلاش بيشرونا………. أفا يا سوقنا…. أحشفا و سوء كيلة
قوم المنتدى خسايرهم عجايب ………………من صفا الحب للمصرية الأصيلة
و مهند ضاع نص راسماله و لكن ………….ان ارتفع سهم اركان اسمع تطبيله
و بوشهاب عق شهاداته و علمه …………….و اشتغل بالزيتون و فكر بالبليلة
و تنتفت شنبات الجمبري و انخرط …………واليوم ماعاد ينعرف راسه من ذيله
أما سهمي الدب فغرقني خساير…………….. أفا ياسهمي طلعت و الله فشيلة
في الطلوع الأسهم كأنها بورشات …………..و انت في طلوعك كأنك تريلة
وحورية البورصة تشخبط و لا تلخبط ………بع و اشتر بالسهم ان هي عطتك تحليله
عسى ربي يعوضكم بالأسهم و يرزقني …….من بنات الحور ثنتين و سبعين حليلة
والصلاة و السلام على محمد كثر الأسهم …….و كثر ماشال هامور من تحت شيلة
و ياعسى ربي يجمعنا على حوضه ………….و ياعسى عيني و عينكم تغدي به كحيلة
لكن يا اخوي في هالبيت عن يشوفونه الاعضاء بيتحروني انا
أما سهمي الدب فغرقني خساير…………….. أفا يا سهمي طلعت و الله فشيلة
حرااااااااااااام عليك انا عصفورة
ههههههههههههههه
وترانا يا اخوي كلنا في الهوى سوى ،،،
تحياتي
اختكم
سهمي عالي
ودي جمبري يشوفها و اسمع تعليقاته الكلاشنكوفية…
جمبري تجده في كل مكان
ليتك يا اخي تركت الموضوع اليوم و بكرة في ساحة الأسهم لأن الأعضاء أكثر شي يتواجدوا هناك و يمكن ما يشوفوها هنا..
ودي جمبري يشوفها و اسمع تعليقاته الكلاشنكوفية…
قصيده رائعه .. صح لسانك ما شاء الله عليك
صح لسانك يا شاعر السوق الخسران