ركضة الضحكه ….. للشاعر: سوّاح
يا مرسل البسمه لنا عيد واعياد // شِف ركضة الضحكه إليكم طلبها
…
ويا معلن اشواقك تلاحين قَصّاد // خذ من تلاحيني تِبِشرة رطبها
…
يا بومحمد ماتركناه الانشاد // ناره تلظى لو تقاصر لهبها
…
واهي اليَمِر يكفي عن سلاح وعْتاد // نشوي عليه همومنا مع عتبها
…
الضو حمرا والبست قطعة ارماد // قطعه خفيفه لا يغرك حقبها
…
ندهش طرفها ان غزا عينها ارقاد // ونخف منها ان توسّد حطبها
…
وانته خبير ٍ بالمواسم والارصاد // واتعرف مطلوب الرياح وطربها
…
واتعرف حرف الانجليزي من الضاد // واتعرف أبيات القصيد وعطبها
…
واتعرف بيع الكاش واحساب الاعداد // يبغي سيوله هو كلن حسبها
…
والشيك شوفة عينك اليوم مافاد // كفه خليٍّ م الورق مع عنبها
…
قدّمت سلفه وانتظر صرف الايراد // وبييك من لعلوم وافي نسبها
…
نذبح سحابٍ في السما ذبح شدّاد // وغيوم فوق غيوم نغسل هدبها
…
لين المطر يروي المساييل والواد // والارض تشرب من غليل ٍ شربها
…
ومن عقب هذا نلتفت لفتة عناد // للفلس والدرهم ونطفي غضبها
…
والدين ندّي مابقى منه وان زاد // نهديه للي بالظليمه كتبها
…
واللي خطب منّا العواقب ولا عاد // له من عواقبنا عروسٍ خطبها
…
هذا وسلّم واستلم واسلم وناد // باشعار شاعر شارحٍ لك سببها