قصيدة …بمناسبة زواج عاشق الروح.

[POEM=”font=”Arial,4,darkblue,bold,normal” bkcolor=”skyblue” bkimage=”./images/backgrounds/12.gif” border=”inset,8,red” type=0 line=1 align=center use=ex num=”1,black””]من ثنايا القلب من همس الحروف = من عيون الشعر….من شعر العيون.
من خفايا خاطري : حب ووصال = من مزون الشوق…للشوق المزون.
من هتافات المحبة اللى تسال = عن سكون القلب…..في ليل السكون.
أرسل الحكمة…وكل شعري مثال= يحتوي معناه…..وافي في المتون.
وارفع كفوفي…بنفحات ابتهال = وادِعي للصاحب اللي ما يهون.
من عقب ثنتين ….من عقب المحال= اهطلت وتشكلت من كل لون.
من زهور وقيحوان…ابها جمال= وازدهت لك من عطور ومن دخون.
ياغناة الروح عن كل احتمال = يافتون النفس عن كل الفتون.
ياحياة القلب …من بعد الهمال = ياسعدها اللي حظت بك يالحنون.
شخص وافي…ماعرف زيف احتيال= ماعرف للغدر ضربات وطعون.
راسخ ف الحق …شوفه كالجبال = لا ابد ماهتز…من ضيم وشجون.
الرجل يعلى من وسط الرجال = ومايسود القرم ان لازم شنون.
ومايسود إلا الذي يعطي امتثال = للإله وياخذ الناس اب ليون.
كل شعري لك…من صورة وخيال= ياك معه نجوم وأفلاك(ن) وكون.
واطلب الله ياعسى دربك سهال = وفي زواجك…يرزقك بنت وبنون.
وياحلاة البيت ان يوك اليهال = يقلبون الهم فرحة…يقلبون.
انفراج الهم..مع راحات بال= يوم تلقاهم بحضنك يضحكون.
ياعديل الروح…في ختم المقال= اطلب الله يحفظك وين ماتكون.
ويعل دار الخل تسقي بالهطال= لين ماتنبت أرضها زيزفون.
ساكن مابين لولو والنغال= ان طلبته أو نصيته كان عون.
فارع متفرد(ن) حسن وجمال= ماعرف يلعب ولايعرف يخون.
ياإله الكون…ياوافي الكمال= تحفظه من كل واشي وكل دون.
[/POEM]