يا سهم إعمار في الدار العمار …. يا محط آمال ذا الشعب الفقير
قد شبعنا من نزولك في انكسار …. كنك الا مرتكب ذنب خطير
كم حولك من سهوم الا صغار …. ترتقي واتطير واشو له تطير
لا هي قدك و لا تسوى بهار …. من بقايا فعلك وشانك كبير
من شهد نهضة وطن في كل دار ….. يحمد الله بالبشاير و البشير
من شمال و غرب لين آخر مزار …. كلها شالت علم ماله نظير
لين صار الرمز ذا اغلى شعار …. بس ملاك السهم يرجون خير
ذنبهم حطوا حلال وباختيار …. واتبعوا نصح الفهامى و الخبير
عل يثمر زرعهم وامن الثمار …. يرزقون أهل القرابة والكسير
كلها الاسواق فيها الربح دار ….. وأفرحت روادها بربح وفير
شفت انا اليورو مع لجنيه طار …. واصبح الدولار في وضع خطير
وادري ان الحظ لو مرات جار …. عادي يغير طريقه في المسير
عود للعليا سهم بدعة اعمار ….. وافرح قلوب تمنى لك الخير
وسلمتوا
يوليو 2007م
.
سلمت يمناك موعود =)
صح لسانك وما عليك زود
كلمات جدا جميلة
صح لسانك
صح السانك ولاهنت وماتقصر عل القصيده الرائعه…
صح لسانك يالموعود
تسلم عالقصيده الغاويه
بيض الله ويهك