قصتي مع بنك دبي الاسلامي

39 thoughts on “قصتي مع بنك دبي الاسلامي”

1. انزين شو تنصحوني؟

   لاني ناوي احول بعد

2. بداية شهر مايو 2009 رحت أسكر حساب التوفير لدى بنك دبي الاسلامي… عندي بطاقة Atm لحساب الجاري والتوفير…طبعا الحبيبه الي عملت لي المعامله ..ما جيكت لوجود الربط كنسلت لي البطاقه … الحين أنا بدون بطاقه ..مالي بارض لروحة البنك والقعده في الزحمه

   بعد أسبوع من كنسلت الحساب سرت للتسوق ..وعادة أنا أشخط بالبطاقه … كل ما يجرب البطاقه يقول ما يصير …نزلت أسحب من الماكينه … هني عرفت ان البطاقه فيها شئ ……اتصلت بالبنك جان يقولي البطاقه اتكنسلت بتاريخ الفلاني وجان أهزبهم …الهزاب كان على أصوله … الحمدلله كان معاي كاش ….

   طبعا طرشت رساله بالموضوع … واتصلو بي … طبعا الخطأ من الموظفه … عشان يطلعون لي بطاقه يا أسير الفرع أو من خلال اسلامي مباشر وبينخصم 25 رسوم إصدار بطاقه…قلت لهم موب أنا الي بدفع …الموظفه الي غلطت تدفع … قالوا لي تعالي الفرع …قلت مالي بارض الحين ما أحتاجها الحين … كل ما ينزل الراتب أكتب شيك للوالد ويسحب لي …ما أخلي شئ في الحساب الى اذا كان عندي التزامات مثلا شيكات وجان تغص الموظفه الي على الخط …

   بتاريخ 28-5-2009 أنا كنت ناسيه موبايلي في البيت …. خبرني أخوي بأن جاني اتصال وهو رد كانوا من البنك …أنا عندي سلفية تمويل بناء … القسط ينخصم من الراتب …طبعا حتى 28-5-2009 ما نزل الراتب …. تخيل شو قال المتصل من البنك …بأني مطلوبه للبنك …إذا كنت أنا الي راده عليه جان راويته عدل … الرواتب تتحول من الدوام من وقت وما ينزلونها في الحسابات … ويتصلون بالعميل أنت مطلوب …

   5 سنين إن شاءالله يمرون على خير … نفس اليوم السلفيه بتخلص … بسكر حسابي عندهم …. الله يرحم أيام بنك الامارات كنت مرتاحه وياهم…

3. حمدلله افتكيت من ها البنك من زمان

   اجراءات عقيمه اتصورو عندي سياره كنت ماخذنها من عندهم وعقب ما خلصت الافساط طلبت براءه ذمه من الفرع الي قريب مني..قالولي لا سير الفرع الي خذيت منه السياره وخلهم هم يعطونك..يعني السياره تقدر تاخذها من اي فرع بس يوم تخلص اقساطها بيغلسون عليك

   الصراحه ماشي احسن عن مصرف ابوظبي الاسلامي

4. كان عندي حساب توفير . غلقته .
   ورحت مصرف الامارات الاسلامي

   زحمه على الفاضي .

5. الله يكون بعيونك اخوي ومشكور على التنبيه يزاك الله خير

Comments are closed.