لمحبي القباقيب
طبعاً بدأ موسم القباقيب
ماشاء الله مكود بكثره
اسمينا شوينا يوم السبت اللي طاف
وهاي صوره بعد ما خلصنا الشوي تم محد له ،،
طبعاً جماعتنا طلعو بالجمعه وماشاء الله يابو كمن يونيه ،، وقالولنا من كثرهم قامو يوزعون عالشباب اهناك
بتسألون وين ها المكان
المكان سلمكم الله
اتسيرون صوب فندق بالما بيتش في ام القيوين
وتطلعون وياهم رحله ، بمبلغ زهيد ، ويودونكم ها الجزيره ،
وعاد انتو اتسيرون واتشدون حيلكم حق الصيد
الجزيره مجهزه بعد بأماكن للشواء ، للي مب قادر يقاوم ويبا ياكل اهناك 
يسمون الجزيره الجزيره الصينية
ومبلغ الدخول للفرد الواحد 65 درهم
وبس ،،
وبالهنا والشفاء
يا جماعة اللي حاب ياخذ دورات غوص وشهادات ،،، في الغوص يخبرني وفالكم طيب ،
واللي بعد يبا يأجر معدات غوص بعد يخبرني ،،،
اخوي
في اماكن في ام القيوين تنفع حق غواصه
وشو نوع العده الي عندك وبكم تاجرها
هه اتجوع عالصبح وخاطرك بقباقيب لا لا
اشويه اصبر لوقت الظهر ع الاقل اتكون النفس انفتحت عالاكل البحري
بس روعه لحمه ابيض ولذيذ
__________________
هلا اخوي في البدايه انا اختك
وطبعا ها المعلومات تقدر تاخذها باتصالك بفندق بالما بيتش في ام القيوين وتسالهم عن رحلة الجزيرة الصينيه ،، وهم يودونك بطراد بس عن الاستفسارات الاخرى تقدر تسألهم
وعن الاشياء الاخرى اللي اقدر افيدك فيها عن رحلات الغوص وشهادات ودورات الغوص لانه عندي معلومات كافيه وممكن افيدك واعتقد بعد يطلعون طلعات حداق ،،
__________________
خلتينا نجوع عالصبح !!!!!!!!!!!!!!
تسلم عالصور..والمعلومات الطيبه…بس نبى بعض التفاصيل…رقم تلفون منظمي الرحله..وهل يودونك بطارد ولا بوسيله اخرى.وهل يمكن الحداق في نفس المنطقه..وكم من الوقت اتم هناك ومتى تواقيتهم..وهل زين ان الواحد يودي عايلته وياه..ومثل ما تفضلت اسميه القبقوب مكود…انا قبل اسبوعين مريت صوب المدفق طريق راس الخيمه ام القيوين ولقيت الظغايه..اللياخهم كلها قبقوب وخذيت نصيبى منها…مشكورررررررر