اعتقد ان آفة سوق دبي وابوظبي المالي هي الوسطاء.
ولابد ان نقيم عمل الوسطاء هنا لكي نكون على علم بأفضلهم واسوأهم وذلك الى ان يأتي اليوم نتخلص فيه منهم عندما يكون التداول عبر الانترنت وبدون اي وسيط، ولكن الى ان يأتي هذا اليوم الموعود (قد يأخذ أشهر عديدة) أرى ان كل منا يقيم الوسيط الذي لديه واذا كان يرد على الاتصالات ام لا، وبعد كم محاولة ..علَ وعسى ان نجد وسيطا يستحق الذهاب اليه.
وسوف ابدأ بوسيطي المالي:
الاسلامي للوساطة المالية (بنك دبي الاسلامي): قمة التخلف، وانصبه ملك لوسطاء العصر الحجري، لايرد على مكالماتك وحتى لو كانت 1000 مرة قبل وبعد او أثناء التداول.
واتمنى من الجميع ابداء رأيه، لما فيه فائدة للجميع
السلام عليكم,,
تقييم الذي لا يقيم ,,, اعلى درجه ممكن يأخذها الوسيط هي 0 وأقلها هي – 10 طبعا العلامه النهائيه + 10
من هو أسوأ وسيط سيء ؟
او من هو أفضل وسيط سيء ؟
نعم فعلا هم وسطاء من العصر الحجري ويمكن قبل ذلك كالجليدي والاحفوري والجوراسي
في وسيط ببنك أبوظبي الوطني فرع….. يصارخ ويحمر ( انبونه أحمر)… كأنه في جبرة الهوش أعزكم الله.
الصراحه ما ألومج يا رمش العيون ويا دهن العود
اذا كام عنبر أخو بلال ..,,,, فماذا نقارن يا الاماراتي ؟
عزيزتي رمش العيون
بصراحة أربكتيني .. انا اليوم ناوية اروح بنك ابوظبي الوطني اسجل عندهم .. كوسطاء لي .. وكنت ناوية ادخل السوف فعلا باللي معاي .. لكن على هذا الوضع اللي شرحيتيه بصراحة انا ما اتحمل احد يقول لي كلمة تحرجني .. وراح اقول طز بالفلوس ( عدم المؤاخذة ) وطز في البنك بكبره .. مايكفي اننا راح نتعامل مع بنك ربوي يعني .. والله يستر علينا وما يآخذنا على هالفعلة ….. وفوق هذا ننحط بمواقف محرجة مع الرياييل …… والله صعبة ..
اذا على كذا .. اشتري لي المحافظ الاستثمارية أحسن .. واحط كل فلوسي فيها .. وانتظر الربح البسيط طويل المدى .. ولا الاهانة وحرقة الاعصاب …
اتمنى عزيزتي لو تتواصلين معاي على ايميلي عشان افهم منج اللعبه اكثر .. اقصد لعبة الاسهم والوسطاء … وأكون شاكره لج فضلج ..
مع خالص تحياتي ..
أشكر الاخ الكريم الجنيبي والاخت الكريمة رمش العيون على المشاركة واوفقها الرأي
نحن مشكلتنا اهل العين مافي عندنا سوق وعندنا وسيط واحد وهو تابع لبنك ابوظبي الوطني ، تخيلوا عدد المستثمرين عنده والضغط عليه مما سبب لسلبيات عليه وهي :
1- عدم الرد على المكالمات في اي وقت
2- عدم اخذ اوامر البيع في نفس الوقت اثناء التداول وذلك لكثرة الطلبات حيث يتوجب عليك مسبقا انت تقدم طلب بذلك قبل التداول وتضع سعر السوق وانت وحظك وين ينفذلك ويمكن مايوصل الدور في هذا اليوم وتروح عليك .( الا طبعا الهوامير يتصلون به على الهاتف الخاص ويخلصلهم في نفس الوقت )
3- عدم تسليمك اي اوراق في طلبات البيع او الشراء .
4- كثرة الاخطاء في تنفيذ الاوامر فمثلا بدل مايبيعلك يشتريلك .
5- عدم اعطائك اي فرصه للإجابه على اي استفسار .
6- السب والغلط والصراخ على الموجودين ولا احترام لكبير ولا صغير ولا رجل ولا امراه واحراجك امام الموجودين .
7- التأخير في انهاء اي معامله في السوق على الاقل ( شهر واحد )
وغيرها وغيرها من السلبيات الي الله يعيننا عليها صدق ، المشكله لو ان السوق يجبر بنك ابوظبي الوطني بان يكون لديه اكثر من وسيط تابعين لمدينة العين ، جان انحلت بعض المشاكل .
الصراحه نحن النساء في امس الحاجه لتطبيق مشروع التداول عن طريق الإنترنت منعا لاي احراجات واتمنى يتم تطبيقه في هذا العام .
نعم عزيزي المساهم الاماراتي اسمح لي :-
* قمت التحكم والاحتكار من قبلهم (المال مالنا و!!!!!!!!!!!!!!!)
* وعلى مزاجه يرد يبع لك والا بقول أنا سجلت لك طلب بس السوق مامشاها (عذر قبح !!!!).
* وتأخر وعدم الرد على المكالمات حدث ولاحرج
* عدم الاحترام في الرد أو الاسلوب الجاف الخالي من الاحترام كأنه يتعطف عليك (عجب ).
* الاخطاء في ادخال وتسجيل الطلبات (بيع وشراء) الله يعين الجميع .
* الذل عند استلام المستحقات والماطله الى !!!!!!!!!!!!!!!!!!!.
عزيزي المساهم الاماراتي السلبيات موجوده وكثيرةعند أغلبية الوسطاء هم زي المنشار طالع رابح ونازل رابح وفوق كل هذه سلبيات بعض المستثمرين ضعاف النفوس بدل ما يوجه المشكلة يختار اسلوب (دهن السير) والهدايا موش عارف على شو كل معاملة يدفع مقابلها المستثمر للوسيط وللسوق و المقابل !!!!!!!!!!!!!!!!!!!!!.
الكلام طويل (والشكوى لغير الله !!!!!!!!!!!!!!!!!!!!!!) لا بعد شوي …
المسئول عن السوق يشوف المشاكل ومايقدر يسوي شيئ ( لانه يراغب اسهمه أو يمكن مشغول في المضاربة يبيع اسهمه ) والكل من الوسطاء يتعامل معه بنموذجيه مفيش بعد كده ويفكر أنه مسيطر على السوق وسوق عنده متطور بوجود بعض.شاشات الكمبيوتر ( كل 15 مستثمر شاشه واحده ) للمشاهده فقط!!!!!!!!!!!!!!!!!!!!!!!!!!!!!